വൈദ്യുതി പ്രസരണ^ -വിതരണ ശൃംഖല: നവീകരണം പൂർത്തിയായി ^എം.പി

വൈദ്യുതി പ്രസരണ- -വിതരണ ശൃംഖല: നവീകരണം പൂർത്തിയായി -എം.പി ആലപ്പുഴ: നഗരത്തിലെ വൈദ്യുതി വിതരണ- -പ്രസരണ മേഖലയിൽ നടന്നുവന്ന സമഗ്ര നവീകരണ പദ്ധതി പൂർത്തിയായി. നഗരത്തിലെ വൈദ്യുതി തടസ്സം കുറക്കുന്നത് ഉൾപ്പെടെ ലൈൻ പൊട്ടിവീണുണ്ടാകുന്ന അപകടങ്ങളും മറ്റും കുറക്കാൻ ഉതകുന്ന സമഗ്ര പരിഷ്കരണമാണ് 45 കോടി ചെലവിൽ പൂർത്തിയായതെന്ന് ആർ.-എ.പി.ഡി.ആർ പി പദ്ധതിയുടെ ആലപ്പുഴ ലോക്സഭ മണ്ഡലത്തിലെ അവലോകന യോഗശേഷം കെ.സി. വേണുഗോപാൽ എം.പി അറിയിച്ചു. രണ്ടാം യു.പി.എ സർക്കാറി​െൻറ കാലത്ത് നഗരത്തിലെ ഊർജ പദ്ധതികളുടെ നവീകരണത്തിനായി അനുവദിച്ച ഫണ്ട് ഉപയോഗിച്ചാണ് പദ്ധതി പൂർത്തീകരിച്ചത്. കേരളത്തിലെ മറ്റു പ്രധാന നഗരങ്ങളിൽ പോലുമില്ലാത്ത വൈദ്യുതി വിതരണ സംവിധാനങ്ങളാണ് ആലപ്പുഴയിൽ പദ്ധതി വഴി നടപ്പാക്കിയത്. വൈദ്യുതി വിതരണ-പ്രസരണ മേഖലകളിലെ ഊർജനഷ്ടം കുറക്കാനും വൈദ്യുതി തടസ്സം പരമാവധി ഒഴിവാക്കാനും പുതിയ സംവിധാനത്തിന് കഴിയും. ലൈനുകൾ കൂട്ടിമുട്ടിയുണ്ടാകുന്ന തീപിടിത്തവും ഒഴിവാക്കാനാകും. പദ്ധതി പൂർത്തിയായപ്പോൾ ചെലവ് 45 കോടിയായി ഉയർന്നതായി കെ.സി. വേണുഗോപാൽ എം.പി പറഞ്ഞു. വൺ മില്യൻ ഗോൾ മണ്ണഞ്ചേരി: ഫിഫ വേൾഡ് കപ്പ് വൺ മില്യൻ ഗോളി​െൻറ ഭാഗമായി മണ്ണഞ്ചേരി പഞ്ചായത്തി​െൻറ ആഭിമുഖ്യത്തിൽ ഗോൾ അടിക്കൽ സംഘടിപ്പിച്ചു. മണ്ണഞ്ചേരിയിൽ ആര്യാട് ബ്ലോക്ക് പഞ്ചായത്ത് പ്രസിഡൻറ് ഷീന സനൽ കുമാറും കലവൂരിൽ കായികാചാര്യൻ കലവൂർ എൻ. ഗോപിനാഥും ഉദ്ഘാടനം ചെയ്തു. അരൂർ: മേഖലയിൽ 25ലധികം കേന്ദ്രങ്ങളിലാണ് ഫുട്ബാളി​െൻറ ആവേശം തീർത്തത്. അരൂർ പഞ്ചായത്തി​െൻറ നേതൃത്വത്തിൽ സ​െൻറ് അഗസ്റ്റിൻസ് ഹയർ സെക്കൻഡറി സ്കൂൾ ഗ്രൗണ്ടിൽ രണ്ടായിരം ഗോളുകൾ അടിച്ചു. പഞ്ചായത്ത് പ്രസിഡൻറ് ബി.രത്നമ്മ ഉദ്ഘാടനം ചെയ്തു. എഴുപുന്ന പഞ്ചായത്തി​െൻറ നേതൃത്വത്തിൽ പഞ്ചായത്ത് ഓഫിസിന് മുന്നിലുള്ള ഗ്രൗണ്ടിലും എഴുപുന്ന സ​െൻറ് റാഫേൽസ് ഹയർ സെക്കൻഡറി സ്കൂളിലുമായിരുന്നു ഗോളടി. പഞ്ചായത്ത് പ്രസിഡൻറ് എസ്.ടി. ശ്യാമളകുമാരി, വൈസ് പ്രസിഡൻറ് എം.കെ. ജോണപ്പൻ എന്നിവർ ഉദ്ഘാടനം ചെയ്തു. അരൂക്കുറ്റി പഞ്ചായത്തിൽ പ്രസിഡൻറ് ആബിദ അസീസ് ഉദ്ഘാടനം ചെയ്തു.