കൗതുകമായി വാനരന്മാര്‍

കൂത്താട്ടുകുളം: നഗരത്തിൽ വിരുന്നെത്തിയ വാനരന്മാര്‍ കൗതുകമായി. ബുധനാഴ്ച രാവിലെ 11ഓടെയാണ് കൂത്താട്ടുകുളം ടൗണില്‍ രണ്ട് വാനരന്മാര്‍ പ്രത്യക്ഷപ്പെട്ടത്. സ്വകാര്യ ബസ്‌സ്റ്റാൻഡിലും മാര്‍ക്കറ്റ്‌ റോഡിലുമായി ഏറെ നേരം െചലവിട്ടു. വനരസംഘം ആഴ്ചച്ചന്തക്ക് എത്തിയ ആളുകള്‍ക്കിടയിലും ബസ്‌ യാത്രക്കാരിലും കൗതുകം ഉണര്‍ത്തി. മാര്‍ക്കറ്റ്‌ റോഡിലെ കടകള്‍ക്കുമുകളിലൂടെ ചാടിക്കളിച്ചും നടന്നും കഴിച്ചുകൂട്ടിയ ഇവർ അധികസമയം കഴിയുന്നതിന് മുമ്പ് അപ്രത്യക്ഷരായി.