Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightയുവാക്കളെ ആക്രമിച്ച്...

യുവാക്കളെ ആക്രമിച്ച് േബ്രസ്​ലറ്റ് തട്ടിയെടുത്ത കേസിൽ മൂന്നുപേർ അറസ്​റ്റിൽ

text_fields
bookmark_border
നെടുമ്പാശ്ശേരി: ബന്ധുവിനെ യാത്രയാക്കിയശേഷം വിമാനത്താവളത്തിൽനിന്ന് മടങ്ങിയ യുവാക്കളെ ആക്രമിച്ച് വെള്ളി േബ്രസ്ലറ്റ് തട്ടിയെടുത്ത കേസിൽ മൂന്നുപേർ നെടുമ്പാശ്ശേരി പൊലീസി​െൻറ പിടിയിലായി. അത്താണി സ്വദേശികളായ സുരേന്ദ്രൻ (40), ഷിബു (41), ജിനീഷ് (32) എന്നിവരെയാണ് സി.ഐ പി.എം. ബൈജു, എസ്.ഐ സോണി മത്തായി എന്നിവർ ചേർന്ന് അറസ്റ്റ് ചെയ്തത്. ബുധനാഴ്ച പുലർച്ച അത്താണി ഭാഗത്തുനിന്നാണ് പ്രതികളെ പിടികൂടിയത്. തലശ്ശേരി ന്യൂമാഹി സ്വദേശി അജീഷ്, സുഹൃത്തുക്കളായ പ്രതീഷ്, ധർമരാജ് എന്നിവരെ തിങ്കളാഴ്ച പുലർച്ച ഒന്നരക്ക് ചായ കുടിക്കാൻ സിഗ്നൽ ജങ്ഷനിൽ നിർത്തിയപ്പോഴാണ് മൂന്നംഗ സംഘം ആക്രമിച്ചത്. തുടർന്ന് അജീഷി​െൻറ േബ്രസ്ലറ്റ് തട്ടിയെടുത്തു. പഴ്സും മറ്റ് സ്വർണാഭരണങ്ങളും കൈക്കലാക്കാൻ ശ്രമിച്ചെങ്കിലും ഹോട്ടൽ ജീവനക്കാർ എത്തിയതോടെ പ്രതികൾ രക്ഷപ്പെട്ടു. നിസ്സാര പരിക്കേറ്റതിനെത്തുടർന്ന് പ്രതികൾ ദേശത്തെ സ്വകാര്യ ആശുപത്രിയിൽ ചികിത്സതേടിയിരുന്നു. സി.സി ടി.വി ദൃശ്യങ്ങളുടെ അടിസ്ഥാനത്തിലാണ് പ്രതികളെ തിരിച്ചറിഞ്ഞത്. അറസ്റ്റിലായവരെ വ്യാഴാഴ്ച അങ്കമാലി കോടതിയിൽ ഹാജരാക്കും. ചിത്രം- അറസ്റ്റിലായ സുരേന്ദ്രൻ, ജിനീഷ്, ഷിബു എന്നിവർ
Show Full Article
TAGS:LOCAL NEWS 
Next Story