Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightനമ്പര്‍ പ്ലേറ്റില്ലാതെ ...

നമ്പര്‍ പ്ലേറ്റില്ലാതെ മുംബൈയിൽനിന്ന്​ എത്തിയ ചരക്കുവാഹനം പിടിയിൽ

text_fields
bookmark_border
കാക്കനാട്: നമ്പര്‍ പ്ലേറ്റ് ഇല്ലാതെ സ്വകാര്യ കമ്പനിയുടെ ചോക്ലറ്റ് കയറ്റി വന്ന ലോറി (റെഫ്രിജേറ്റഡ് വാന്‍) വാഹന വകുപ്പി​െൻറ പിടിയിലായി. മുംബൈയില്‍നിന്ന് രവിപുരത്തെ ഗോഡൗണിലേക്ക് എത്തിയ നാഷനല്‍ പെര്‍മിറ്റ് ലോറിയാണ് മൊബൈല്‍ എന്‍ഫോഴ്സ്മ​െൻറ് സ്‌ക്വാഡ് പിടികൂടിയത്. രജിസ്ട്രേഷന്‍ നമ്പര്‍, നാഷനല്‍ പെര്‍മിറ്റ് ലോറിയാണെന്ന ചിഹ്നം, മറ്റ് നിയമപരമായ എംബ്ലങ്ങള്‍ എന്നിവ ഇല്ലെന്ന് കണ്ടെത്തി. നമ്പര്‍ പ്ലേറ്റ് പതിപ്പിക്കാത്തതി​െൻറ കാരണം അറിയിെല്ലന്നും കമ്പനി നല്‍കിയ വാഹനവുമായി പോരുകയായിരുന്നെന്നുമായിരുന്നു ഡ്രൈവറുടെ വിശദീകരണം. ഹരിയാനയിലെ ഗുഡ്ഗാവിലാണ് വാഹനം രജിസ്റ്റര്‍ ചെയ്തിരിക്കുന്നത്. ഒരു ഡ്രൈവര്‍ മാത്രമേ ഉണ്ടായിരുന്നുള്ളൂ. നാഷനല്‍ പെര്‍മിറ്റ് ലോറികളില്‍ രണ്ട് ഡ്രൈവര്‍മാര്‍ വേണമെന്നാണ് ചട്ടം. എന്നാല്‍, വഴിയിലൊരിടത്തും വാഹനം പിടിക്കപ്പെടാതിരുന്നത് ഉദ്യോഗസ്ഥരെ അദ്ഭുതപ്പെടുത്തി. അപകടമുണ്ടാക്കിയാല്‍ പിടിക്കപ്പെടാതിരിക്കാനാണ് ഇതര സംസ്ഥാന ചരക്കുവാഹനങ്ങള്‍ നമ്പര്‍ പ്ലേറ്റില്ലാതെ സംസ്ഥാനത്തേക്ക് കടക്കുന്നതെന്നാണ് ഉദ്യോഗസ്ഥരുടെ നിഗമനം.
Show Full Article
TAGS:LOCAL NEWS 
Next Story