അനധികൃത കൈയ്യേറ്റം: തട്ടുകടകള്‍ക്കെതിരെ നടപടിക്ക് നീക്കം

മൂവാറ്റുപുഴ: നഗരത്തിലെ അനധികൃത കൈയേറ്റം ഒഴിപ്പിക്കാൻ നഗരസഭ നീക്കമാരംഭിച്ചു. നഗരത്തിലെ എം.സി റോഡ് നവീകരണം നടത്തുന്ന പി.ഒ ജങ്ഷന്‍ മുതല്‍ 130 ജങ്ഷന്‍ വരെ റോഡിന് ഇരുവശത്തെയും അനധികൃത കൈയേറ്റം ഒഴിപ്പിക്കാന്‍ നടപടിക്കാണ് നീക്കം. ഇതു സംബന്ധിച്ച് നഗരസഭ ചെയര്‍പേഴ്‌സണ്‍ ഉദ്യോഗസ്ഥർക്ക് നിർദേശം നൽകി. നവീകരണം നടക്കുന്ന റോഡില്‍ രാത്രി പ്രവർത്തിക്കുന്ന തട്ടുകടകളുടെ ൈകയേറ്റം ഒഴിപ്പിക്കണെമന്നാവശ്യപ്പെട്ട് കെ.എസ്ടി.പി എക്‌സിക്യൂട്ടിവ് എൻജിനീയര്‍ നഗരസഭയ്ക്ക് നല്‍കിയ പരാതിയുടെ അടിസ്ഥാനത്തിലാണ് നടപടി. ലൈസന്‍സ് നല്‍കിയ തട്ടുകടകള്‍ നിശ്ചിത സ്ഥലം വിട്ട് ൈകയേറുന്നതായും അനധികൃത തട്ടുകടകള്‍ പ്രവര്‍ത്തിക്കുന്നതുമൂലം ഗതാഗത തടസ്സത്തിനടക്കം കാരണമാകുന്ന സാഹചര്യത്തില്‍ ഇത് അനുവദിക്കില്ലെന്നാണ് നഗരസഭ നിലപാട്. ശുചിത്വം പാലിക്കാത്ത തട്ടുകടകള്‍ക്കെതിരെ നടപടി സ്വീകരിക്കും. തട്ടുകടകളിൽ പരിശോധന നടത്താന്‍ ആരോഗ്യ വിഭാഗം ഉദ്യോഗസ്ഥര്‍ക്ക് നിര്‍ദേശം നല്‍കി. മാലിന്യം സംസ്‌കരിക്കാൻ സൗകര്യം പോലും ഇല്ലാതെയാണ് പല തട്ടുകടകളും പ്രവര്‍ത്തിക്കുന്നത്. തട്ടുകടകള്‍ കേന്ദ്രീകരിച്ച് നടക്കുന്ന ലഹരി ഉല്‍പന്ന വില്‍പന പരിശോധിക്കാനും തടയാനും പൊലീസ്, എക്‌സൈസ് എന്നിവർക്ക് നിര്‍ദേശം നല്‍കി. അംഗീകൃത തട്ടുകടകള്‍ക്ക് രാത്രി ഏഴിനുശേഷമേ പ്രവര്‍ത്തിക്കാന്‍ അനുമതിയുള്ളു. വിലവിവര പട്ടിക പ്രദര്‍ശിപ്പിക്കണമെന്നും ചെയര്‍പേഴ്‌സണ്‍ നിര്‍ദശിച്ചിട്ടുണ്ട്. യോഗത്തില്‍ ഭരണപ്രതിപക്ഷ അംഗങ്ങള്‍ ഇതുസംബന്ധിച്ച് ഉന്നയിച്ച വിഷയങ്ങളിലാണ് നഗരസഭ കര്‍ശന നടപടിക്ക് തീരുമാനമെടുത്തിട്ടുള്ളത്.