അർജുന്​ ജീവൻ നിലനിർത്താൻ സുമനസ്സുകൾ കനിയണം

കൊച്ചി: ജീവൻ നിലനിർത്താൻ അർജുൻ സുമനസ്സുകളുടെ കനിവ് കാക്കുന്നു. എറണാകുളത്തെ അമൃത ആശുപത്രിയിൽ തീവ്രപരിചരണ വിഭാഗത്തിലാണ് 90 ദിവസം മാത്രം പ്രായമുള്ള അർജുൻ. മലപ്പുറം തിരൂർ പുറത്തൂർ മേപ്പറമ്പത്ത് അനിലി​െൻറയും രമ്യയുടെയും മകനാണ് അർജുൻ. പ്രസവത്തിനിടെ മഷി അകത്തുചെല്ലുകയും ഇതുമൂലം ശ്വാസകോശം ചുരുങ്ങുകയും ചെയ്തതാണ് പിഞ്ചുകുഞ്ഞി​െൻറ ജീവൻ അപകടത്തിലാക്കിയത്. ഹൈക്പവർ വ​െൻറിലേറ്ററിലായിരുന്ന അർജുൻ ഇപ്പോൾ ഒാക്സിജൻ സപ്പോർട്ടുള്ള വ​െൻറിലേറ്ററിൽ കഴിഞ്ഞാണ് ജീവൻ നിലനിർത്തുന്നത്. ഇനിയും നാലുമാസത്തിലേറെ ഇത് തുടരേണ്ടി വരും. മൂന്നുമാസത്തിനിടെ എട്ടുലക്ഷം രൂപയിലേറെ നിർധന കുടുംബത്തിന് ചെലവിടേണ്ടിവന്നു. ഡ്രൈവറാണ് അനിൽ. നിത്യവൃത്തിക്കുപോലും കുടുംബം വിഷമിക്കുന്നതിനിടെയാണ് ദുരന്തമായി മക​െൻറ രോഗബാധ. സാമ്പത്തികക്ലേശത്തിൽ നട്ടംതിരിഞ്ഞ അനിലി​െൻറ വീട് മുമ്പ് കടബാധ്യതയെത്തുടർന്ന് ബാങ്ക് ജപ്തി ചെയ്തിരുന്നു. തുടർന്ന് വാടക വീട്ടിലായി താമസം. ഇപ്പോൾ ഏക മക​െൻറ ചികിത്സ എങ്ങനെ മുന്നോട്ട്കൊണ്ടുപോകണമെന്നറിയാതെ ദുരിതക്കയത്തിൽ മുങ്ങിക്കഴിയുകയാണ് അനിലും രമ്യയും. ഉദാരമതികളുടെ സഹായം പ്രതീക്ഷിച്ച് കുടുംബം രമ്യയുടെ പേരിൽ എസ്.ബി.െഎ പടിഞ്ഞാറങ്ങാടി ശാഖയിൽ അക്കൗണ്ട് തുറന്നിട്ടുണ്ട്. അക്കൗണ്ട് നമ്പർ: 34925440495. െഎ.എഫ്.എസ് കോഡ്: SBIN0014967. ഫോൺ: 8086655149.