ചതയ ഘോഷയാത്ര

പള്ളുരുത്തി: കൊച്ചി താലൂക്ക് എസ്.എൻ.ഡി.പിയുടെ യൂനിയ​െൻറ നേതൃത്വത്തിൽ ചതയദിന ഘോഷയാത്ര നടത്തി. ഗുരുദേവ ജയന്തിയോടനുബന്ധിച്ച് തോപ്പുംപടി യൂനിയൻ ഓഫിസ് പരിസരത്തുനിന്നാണ് ഘോഷയാത്ര ആരംഭിച്ചത്. താലൂക്ക് യൂനിയൻ പ്രസിഡൻറ് എ.കെ.സന്തോഷ്, സെക്രട്ടറി എം.എസ്.സാബു, പി.എസ്.സൗഹാർദൻ , ഷൈൻ കൂട്ടുങ്കൽ, ഇ.കെ.മുരളീധരൻ, സി.പി. കിഷോർ, പ്രഭാവതി തങ്കപ്പൻ, സീന സത്യശീലൻ, ബിനീഷ് മുളങ്ങാട്, സി.കെ. ടെൽഫി എന്നിവർ നേതൃത്വം നൽകി. ശ്രീ നാരായണ നഗറിൽ ചേർന്ന ചതയദിന സമ്മേളനം പാർലമ​െൻറംഗം പ്രഫ. കെ.വി. തോമസ് ഉദ്ഘാടനംചെയ്തു. കെ.ജെ. മാക്സി എം.എൽ.എ ജയന്തിദിന സന്ദേശം നൽകി. ജോൺ ഫെർണാണ്ടസ് മുഖ്യപ്രഭാഷണം നടത്തി. താലൂക്ക് യൂനിയൻ പ്രസിഡൻറ് എ.കെ.സന്തോഷ് അധ്യക്ഷത വഹിച്ചു.