ദിലീപിനായി ഓണനാളിൽ ഏകാംഗ ഉപവാസം

ആലുവ: നടൻ ദിലീപിന് നീതിയും മാനുഷിക പരിഗണനയും നൽകണമെന്നാവശ്യപ്പെട്ട് ആരാധക​െൻറ ഏകാംഗ ഉപവാസം. തുരുത്ത് സ്വദേശി സജീഷ് ആയില്യമാണ് ഉപവാസം അനുഷ്ഠിച്ചത്. ആലുവ ഗാന്ധി സ്ക്വയറിലായിരുന്നു പരിപാടി. രാവിലെ കാലടിയിൽനിന്ന് കാൽനടയായി ഏകാംഗ പ്രകടനം ആരംഭിച്ചു. ഒ.ബി.സുദർശനൻ ആലുവ ഹാരമണിയിച്ച് ഉദ്ഘാടനം ചെയ്തു. കാൽനടയാത്ര ആലുവ നഗരം ചുറ്റിയ ശേഷമാണ് ഗാന്ധി സ്ക്വയറിലെത്തിയത്. ദിലീപ് അനുകൂലികൾ വിവിധയിടങ്ങളിൽ സ്വീകരണം നൽകി.