മദ്യം: സർക്കാർ ജനഹൃദയങ്ങളിൽനിന്ന്​ അകലുന്നു – കെ.ആർ.എൽ.സി.സി

കൊച്ചി: കേരളത്തിലെ ഗ്രാമങ്ങളിലും നഗരങ്ങളിലും മദ്യം സുലഭമായി ഒഴുക്കുന്നതിനുള്ള നടപടി സ്വീകരിക്കുന്ന ഇടതുസർക്കാർ നയം ജനേദ്രാഹപരമാണെന്ന് കെ.ആർ.എൽ.സി.സി കുറ്റപ്പെടുത്തി. മദ്യനയത്തിനെതിരെ ഉയരുന്ന ജനകീയപ്രതിഷേധം ഉൾക്കൊണ്ട് തെറ്റായ നടപടി പിൻവലിക്കണമെന്നും പ്രസ്താവനയിൽ ആവശ്യപ്പെട്ടു. കേരളത്തെ മദ്യത്തിൽ മുക്കിക്കൊല്ലരുത് --പി.ഡി.പി കൊച്ചി: മദ്യഷാപ്പുകൾ പ്രവർത്തിക്കുന്നതിന് വിദ്യാലയങ്ങളിൽനിന്നും ആരാധനാലയങ്ങളിൽനിന്നുമുള്ള ദൂരപരിധി 200 മീറ്ററിൽനിന്ന് 50 മീറ്ററാക്കി ചുരുക്കിയ നടപടി പ്രതിഷേധാർഹമാണെന്നും മദ്യനയം നാടി​െൻറ സാമൂഹിക അന്തരീക്ഷം കൂടുതൽ മലീമസമാകാൻ കാരണമാകുമെന്നും പി.ഡി.പി സംസ്ഥാന ജനറൽ സെക്രട്ടറി ടി.എ. മുജീബ് റഹ്മാൻ പറഞ്ഞു. ജനകീയ സർക്കാരിൽനിന്നും കേരളീയസമൂഹം പ്രതീക്ഷിച്ച നയങ്ങളല്ല സർക്കാർ പിന്തുടരുതെന്നും മദ്യനയത്തിൽ തിരുത്തലുണ്ടാകണമെന്നും അദ്ദേഹം ആവശ്യപ്പെട്ടു.