ആധാർ: സുപ്രീംകോടതി നിർദേശം അംഗീകരിക്കുന്നു ^മമത

ആധാർ: സുപ്രീംകോടതി നിർദേശം അംഗീകരിക്കുന്നു -മമത കൊൽക്കത്ത: ആധാർ സംബന്ധിച്ച് കേന്ദ്രസർക്കാർ നടപ്പാക്കിയ നിയമത്തെ ചോദ്യം ചെയ്ത് നൽകിയ ഹരജി നിരസിച്ച സുപ്രീംകോടതി നടപടി അംഗീകരിക്കുന്നതായി പശ്ചിമബംഗാൾ മുഖ്യമന്ത്രി മമത ബാനർജി. സാമൂഹികസുരക്ഷപദ്ധതികളുടെ ആനുകൂല്യത്തിന് ആധാർ നിർബന്ധമാക്കിയ കേന്ദ്ര നടപടി ചോദ്യംചെയ്ത് ബംഗാൾ സർക്കാർ കോടതിയെ സമീപിച്ചിരുന്നു. എന്നാൽ, പാർലമ​െൻറ് അംഗീകരിച്ച നിയമത്തെ ചോദ്യംചെയ്യാൻ ഫെഡറൽ സംവിധാനത്തിൽ സംസ്ഥാനത്തിന് എന്ത് അധികാരമാണുള്ളതെന്ന് സുപ്രീംകോടതി ചോദിച്ചു. മാത്രമല്ല, ഘടനയിൽ മാറ്റംവരുത്തി പുതിയ ഹരജി സമർപ്പിക്കാൻ നിർദേശിച്ചു. സംസ്ഥാനസർക്കാറിനുപുറമെ മമത ബാനർജി വ്യക്തിപരമായി ഹരജി സമർപ്പിക്കാനും നിർദേശമുണ്ട്. ത​െൻറ മൊബൈൽ ആധാറുമായി ബന്ധിപ്പിക്കില്ലെന്നും വേണമെങ്കിൽ കണക്ഷൻ റദ്ദാക്കെട്ടയെന്നും മമത കഴിഞ്ഞദിവസം പറഞ്ഞിരുന്നു.