വീടിന്​ തീപിടിച്ചു; ഗൃഹോപകരണങ്ങള്‍ കത്തിനശിച്ചു

കാക്കനാട്: തുതിയൂരില്‍ ഇരുനിലവീടി​െൻറ മുകളിലത്തെ നിലയില്‍ തീപിടിച്ചു. ഗൃഹോപകരണങ്ങള്‍ കത്തിനശിച്ചു. തിങ്കളാഴ്ച ഉച്ചക്ക് ഒന്നോടെ ആദര്‍ശ സ്‌കൂളിന് സമീപം പുളിക്കില്ലം ഡേവിഡി​െൻറ വീടി​െൻറ രണ്ടാംനിലയിലെ അടുക്കള ഭാഗമാണ് കത്തിനശിച്ചത്. വീട്ടിലെ താമസക്കാരായ മൂന്ന് യുവാക്കള്‍ സ്റ്റൗ കത്തിച്ചശേഷം പുറത്തേക്ക് മാറിയ സമയത്ത് തീപിടിച്ചതാകാമെന്ന് ഫയര്‍ഫോഴ്‌സ് പറഞ്ഞു. തീയും പുകയും ഉയരുന്നതുകണ്ട് അയല്‍വാസികളാണ് ഫയര്‍ഫോഴ്‌സില്‍ വിവരമറിയിച്ചത്. വീട്ടിലേക്ക് ഫയര്‍ഫോഴ്‌സ് വാഹനം എത്താന്‍ നിര്‍വാഹമില്ലാത്തതിനെത്തുടര്‍ന്ന് രണ്ടാംനിലയിെല വാട്ടര്‍ ടാങ്കിലെ വെള്ളവും മറ്റും ഉപയോഗിച്ച് വീട്ടുകാരുടെയും പരിസരവാസികളുടെയും സഹായത്തോടെ തീയണച്ചിരുന്നു. അടുക്കളയിലുണ്ടായിരുന്ന വീട്ടുപകരണങ്ങള്‍ കത്തിനശിച്ചിട്ടുണ്ട്.