കുര്യൻമലയിലെ പകൽവീട് നവംബർ ആദ്യം തുറക്കും

മൂവാറ്റുപുഴ: നഗരസഭ കുര്യൻമലയിൽ നിർമിച്ച പകൽവീട് നവംബർ ആദ്യം തുറക്കും. കുടുംബാംഗങ്ങൾ തൊഴിലിന് പോകുമ്പോൾ ഒറ്റപ്പെട്ട് കഴിയേണ്ടിവരുന്ന വയോധികരെ സഹായിക്കുന്നതിനായാണ് പകൽവീട് ഒരുക്കിയത്. മരുന്നും - ഭക്ഷണവും വിശ്രമത്തിന് സൗകര്യവുമാണ് ഒരുക്കിയിരിക്കുന്നതെന്ന് നഗരസഭ ചെയർപേഴ്സൺ ഉഷ ശശിധരനും ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എം.എ. സഹീറും അറിയിച്ചു. രാവിലെ എട്ടുമുതൽ വൈകുന്നേരം അഞ്ചുവരെയാണ് പ്രവർത്തന സമയം. ആദ്യഘട്ടത്തിൽ 10 പേർക്കാണ് പ്രവേശനം. സേവനം ആവശ്യമുള്ളവർ നവംബർ മൂന്നി-ന് നഗരസഭ ഓഫിസിൽ അറിയിക്കണം. വൈദ്യുതി മുടങ്ങും മൂവാറ്റുപുഴ: 11 കെ.വി ലൈനിൽ അറ്റകുറ്റപ്പണി നടക്കുന്നതിനാൽ പാറത്തിട്ട, മണിയംകല്ല്, മാറാടി, കായനാട്, മണ്ണത്തൂർ കവല എന്നിവിടങ്ങളിൽ ശനിയാഴ്ച രാവിലെ എട്ടുമുതൽ വൈകീട്ട് അഞ്ചുവരെ വൈദ്യുതി മുടങ്ങും.