സംസ്​കൃത സർവകലാശാല സിൽവർ ജൂബിലി വർഷാചരണം ഡിസംബർ മുതൽ

കൊച്ചി: കാലടി ശ്രീശങ്കരാചാര്യ സംസ്കൃത സർവകലാശാല ഡിസംബർ മുതൽ 2018 നവംബർ വരെ സിൽവർ ജൂബിലി വർഷമായി ആചരിക്കുന്നു. ജീവകാരുണ്യ-കലാസാംസ്കാരിക പരിപാടികൾ ഇക്കാലയളവിൽ സംഘടിപ്പിക്കും. ഇൗ മാസം 31ന് സർവകലാശാല ഒാഡിറ്റോറിയത്തിൽ സംഘാടകസമിതി യോഗം ചേരും. മുഖ്യമന്ത്രി പിണറായി വിജയൻ ആഘോഷം ഉദ്ഘാടനം ചെയ്യുമെന്ന് വി.സി ഡോ. ധർമരാജ് അടാട്ട്, പ്രഫ. കെ.കെ. വിശ്വനാഥൻ, പ്രഫ. എസ്. േമാഹൻദാസ്, ഡോ. ടി.പി. രവീന്ദ്രൻ, ഡോ. ബാബു ജോസഫ്, ഡോ. ടി. കെ. മുഹമ്മദ് സഹീർ എന്നിവർ വാർത്തസമ്മേളനത്തിൽ അറിയിച്ചു.