നടിയ ആക്രമിച്ച കേസ്: എല്ലാം കോടതിയിലുണ്ടെന്ന് പൾസർ സുനി

അങ്കമാലി: നടിയെ ആക്രമിച്ച കേസിൽ കൂടുതൽ പ്രതികളുണ്ടെന്ന കാര്യം കോടതിയിലൂടെ അറിയാമെന്ന് നടിയെ ആക്രമിച്ച കേസിലെ മുഖ്യപ്രതി പൾസർ സുനിയെന്ന സുനിൽ കുമാർ. റിമാൻഡ് കാലാവധി അവസാനിച്ചതിനെത്തുടർന്ന് അങ്കമാലി ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കിയ ശേഷം വിയ്യൂർ ജയിലിലേക്ക് കൊണ്ടുപോകുന്നതിനിടെ മാധ്യമങ്ങളുടെ ചോദ്യങ്ങൾക്ക് മറുപടിയായാണ് സുനിയുടെ പ്രതികരണം. കൂടുതൽ പ്രതികരണം നടത്തുന്നതിനുമുേമ്പ പൊലീസ് ബലമായി പ്രതിയെ വാഹനത്തിൽ കയറ്റിക്കൊണ്ടുപോയി. രാവിലെ 10.30നാണ് സുനിയെ കോടതിയിൽ ഹാജരാക്കിയത്. ഒരുമണിക്കൂറിനുള്ളിൽ നടപടി പൂർത്തിയാക്കി. ജുഡീഷ്യൽ മജിസ്ട്രേറ്റ് ലീന റിയാസ് നവംബർ ഏഴുവരെ റിമാൻഡ് കാലാവധി നീട്ടി.