മെയിൽ ഡേ ആഘോഷങ്ങൾ

ആലുവ: പോസ്‌റ്റൽ ഡിവിഷനിൽ തപാൽ വാരാഘോഷത്തോടനുബന്ധിച്ച് മെയിൽ ഡേ സംഘടിപ്പിച്ചു. പോസ്‌റ്റ് മാസ്‌റ്റർ കെ.ടി. ഷീല, ഡെപ്യൂട്ടി പോസ്‌റ്റ് മാസ്‌റ്റർ ഒ.കെ. ബാബു മെഹബൂബ്, പോസ്‌റ്റ് ഫോറം അംഗം സെബാസ്റ്റ്യൻ ജോസഫ് എന്നിവർ സംസാരിച്ചു. വിവിധ തലങ്ങളിൽ നേട്ടം കൊയ്യാൻ പോസ്‌റ്റൽ ഡിവിഷനെയും അതിനുകീഴിലെ വിവിധ പോസ്‌റ്റ് ഓഫിസുകളെയും പ്രാപ്തരാക്കിയ ജീവനക്കാരെ ചടങ്ങിൽ ആദരിച്ചു. കേരള സർക്കിൾ പോസ്‌റ്റൽ കൾചറൽ മീറ്റിൽ ലളിതഗാനത്തിൽ ഒന്നാം സ്‌ഥാനം നേടിയ പി.കെ. നന്ദിതയെ അനുമോദിച്ചു.