നെടുമ്പാശ്ശേരിയിൽ 21 ലക്ഷത്തി​െൻറ സ്വർണം പിടികൂടി

നെടുമ്പാശ്ശേരി: കൊച്ചി രാജ്യാന്തര വിമാനത്താവളത്തിൽ രണ്ട്് യാത്രക്കാരിൽനിന്ന് 21 ലക്ഷം രൂപയുടെ സ്വർണം പിടികൂടി. ചൊവ്വാഴ്ച എയർ ഏഷ്യ വിമാനത്തിൽ ക്വാലാലംപൂരിൽനിന്ന് എത്തിയ കോഴിക്കോട് സ്വദേശി ഷംസീർ, സ്പൈസ് ജെറ്റ്് വിമാനത്തിൽ ദുബൈയിൽനിന്ന് എത്തിയ മലപ്പുറം സ്വദേശി അലി അസ്കർ എന്നിവരിൽനിന്നാണ് 350 ഗ്രാം വീതം പിടികൂടിയത്. മലദ്വാരത്തിൽ ഒളിപ്പിച്ചാണ് ഇരുവരും സ്വർണം കൊണ്ടുവന്നത്. മൊത്തം ഏഴ് സ്വർണ ബിസ്കറ്റാണ് പിടിച്ചെടുത്തത്.