ഫുട്ബാൾ: ബംഗളൂരു ടീമുമായി സൗഹൃദ പോരാട്ടം നാളെ

വൈപ്പിന്‍: കൊച്ചിയില്‍ അണ്ടര്‍ 17 ലോകകപ്പ് ക്വാര്‍ട്ടര്‍ മത്സരം കാണാനെത്തുന്ന ബംഗളൂരു അക്കാദമി ടീം അംഗങ്ങള്‍ ഞായറാഴ്ച നായരമ്പലത്ത് സൗഹൃദമത്സരത്തിന് എത്തുന്നു. ബാംഗ്ലൂര്‍ ജെ സ്‌പോര്‍ട്‌സ് ഫുട്‌ബാള്‍ അക്കാദമിയുടെ അണ്ടര്‍ 10, 12 വിഭാഗങ്ങളാണ് നായരമ്പലം ഗ്രാമപഞ്ചായത്ത് ഗ്രൗണ്ടില്‍ സെവന്‍ ആരോസ് ഫുട്‌ബാള്‍ അക്കാദമിയുമായി സൗഹൃദ പോരാട്ടത്തിന് എത്തുന്നത്. രാവിലെ എട്ടിന് സെവന്‍ ആരോസ് അക്കാദമി രക്ഷാധികാരികളായ ടി.ജെ. ഫ്രാന്‍സിസ്, എന്‍.കെ. പ്രസാദ്, തുടങ്ങിയവര്‍ ബംഗളൂരു സംഘെത്ത വരവേല്‍ക്കും. തുടര്‍ന്ന് നടക്കുന്ന മത്സരം വൈപ്പിന്‍ ബ്ലോക്ക് പഞ്ചായത്ത് അംഗം പി.കെ. രാജു മത്സരം കിക്ക് ഓഫ് ചെയ്യും.