ലോറി കണ്ടെത്താൻ സഹായിച്ച കാമറ ടെക്‌നീഷ്യന് പൊലീസി‍െൻറ ആദരം

മുട്ടം അപകടം ആലുവ: ദേശീയപാതയിൽ അപകടമുണ്ടാക്കിയ ലോറി കണ്ടെത്താൻ പൊലീസിനെ സഹായിച്ച കാമറ ടെക്‌നീഷ്യന് പൊലീസി‍​െൻറ ആദരം. ആലുവ ട്രാഫിക് പൊലീസിനെ സഹായിച്ച സി.സി ടി.വി ടെക്‌നീഷ്യൻ റയീസിനെയാണ് ട്രാഫിക് സ്‌റ്റേഷനിൽ ആദരിച്ചത്. റൂറൽ ജില്ല പൊലീസ് മേധാവി എ.വി. ജോർജ് ആലുവ ട്രാഫിക് പൊലീസി‍​െൻറ ഉപഹാരം റയീസിന് നൽകി. മെട്രോ തൊഴിലാളികളായിരുന്ന മൂന്ന് ഇതര സംസ്‌ഥാനക്കാർ മരണപ്പെടാൻ ഇടയാക്കിയ ഗുജറാത്ത് രജിസ്ട്രേഷൻ ലോറി നിർത്താതെ പോവുകയായിരുന്നു. മുട്ടം തൈക്കാവിലുണ്ടായ അപകടത്തി‍​െൻറ ദൃശ്യങ്ങൾ സമീപത്തെ സ്‌ഥാപനത്തിന് പുറത്ത് സ്‌ഥാപിച്ചിരുന്ന സി.സി ടി.വി കാമറയിൽ പതിഞ്ഞിരുന്നു. എന്നാൽ, കാമറയിൽ സമയം തെറ്റായിരുന്നതിനാൽ മറ്റൊരു ലോറിയെയാണ് ആദ്യം സംശയിച്ചത്. പിന്നീട് ട്രാഫിക് എസ്.ഐ കെ.ടി.എം. കബീറും സി.സി ടി.വി ടെക്‌നീഷ്യനും പൊലീസി‍​െൻറ സഹായിയുമായ റയീസും കാമറ വിശദമായി പരിശോധിച്ചു. റയീസാണ് കാമറയുടെ തകരാറും യഥാർഥ വാഹനത്തി‍​െൻറ ചിത്രവും കണ്ടെത്തിയത്. ഇേതതുടർന്നാണ് 24 മണിക്കൂറിനുള്ളിൽ ലോറി പിടികൂടാനായത്.