മീസില്‍സ്^റുബെല്ല പ്രതിരോധ കുത്തിവെപ്പ്: ബോധവത്കരണം നടത്തും

മീസില്‍സ്-റുബെല്ല പ്രതിരോധ കുത്തിവെപ്പ്: ബോധവത്കരണം നടത്തും മട്ടാഞ്ചേരി: മീസിൽസ്-റുബെല്ല വാക്സിൻ കുത്തിവെപ്പ് എടുക്കുന്നവരുടെ എണ്ണത്തിൽ കൊച്ചി നിയോജക മണ്ഡലം ഏറെ പിന്നിലായതിനെത്തുടർന്ന് ബോധവത്കരണം നടത്താൻ തീരുമാനം. മട്ടാഞ്ചേരി സ്ത്രീകളുടെയും കുട്ടികളുടെയും ആശ്രുപത്രിയിൽ ഡെപ്യൂട്ടി കലക്ടർ എം.പി. ജോസി​െൻറ സാന്നിധ്യത്തിൽ ചേർന്ന അവലോകനയോഗത്തിലാണ് തീരുമാനം. വാട്സ്ആപ്പ് ഗ്രൂപ് വഴിയുംമറ്റും തെറ്റായ പ്രചാരണം നടക്കുന്നതി​െൻറ ഭാഗമായാണ് മാതാപിതാക്കൾ കുട്ടികളെ കുത്തിവെപ്പിൽനിന്ന് പിന്തിരിപ്പിക്കുന്നത്. തെറ്റായ പ്രചാരണം തടയുന്നതിനാണ് ബോധവത്കരണം. കൗൺസിലർ ടി.കെ. അഷറഫ് അധ്യക്ഷത വഹിച്ചു. കുത്തിവെപ്പിനെക്കുറിച്ച് ലോകാരോഗ്യ സംഘടനയുടെ സംസ്ഥാന കൺസൽട്ടൻറ് ഡോ. പ്രതാപൻ സംസാരിച്ചു. അധ്യാപകർ, കൗൺസിലർമാർ, മതമേലധ്യക്ഷന്മാർ, ആശ്രുപത്രി ജീവനക്കാർ തുടങ്ങിയവർ പങ്കെടുത്തു.