വൈ.എം.സി.എ സെക്രട്ടറിമാരുടെ സമ്മേളനം ആലുവയിൽ

ആലുവ: വൈ.എം.സി.എ പ്രഫഷനൽ സെക്രട്ടറിമാരുടെ അഖിലേന്ത്യ സമ്മേളനം വൈ.എം.സി.എ തോട്ടുമുഖം ക്യാമ്പ് സ​െൻററിൽ വെള്ളി, ശനി, ഞായർ ദിവസങ്ങളിൽ നടക്കും. വാർഷിക സമ്മേളനം വൈ.എം.സി.എ ദേശീയ പ്രസിഡൻറ് ഡോ. ലെബി ഫിലിപ് മാത്യു ഉദ്ഘാടനം ചെയ്യും. അസോസിയേഷൻ ഓഫ് സെക്രട്ടറീസ് പ്രസിഡൻറ് ആൻറണി ഐസക് അധ്യക്ഷത വഹിക്കും. കൽദായ സുറിയാനി സഭ അധ്യക്ഷൻ ഡോ. മാർ അേപ്രം മെത്രാപ്പോലീത്ത പ്രഭാഷണം നടത്തും. മൂന്ന് ദിനങ്ങളിലായി നടക്കുന്ന സമ്മേളനത്തിൽ സിമ്പോസിയം, ക്ലാസ്, എക്യുമെനിക്കൽ ആരാധന, ഗ്രൂപ് ചർച്ച എന്നിവ നടക്കും. ഞായറാഴ്ച നടക്കുന്ന വാർഷിക പൊതുയോഗത്തിൽ അസോസിയേഷൻ ഭാരവാഹികളെ തെരഞ്ഞെടുക്കും. ഇന്ത്യയിയുടെ വിവിധ ഭാഗങ്ങളിൽനിന്ന് നൂറ്റമ്പതിൽപരം പ്രതിനിധികൾ സംബന്ധിക്കും.