കുരിശ് തൊട്ടികളിലെ ഭണ്ഡാരങ്ങൾ കുത്തിത്തുറന്ന് മോഷണം

മൂവാറ്റുപുഴ: കുരിശ് തൊട്ടികളിലെ മൂന്ന് ഭണ്ഡാരങ്ങൾ കുത്തിത്തുറന്ന് മോഷണം. പുളിന്താനം സ​െൻറ് ജോൺസ് ബസ്ഫാഗെ യാക്കോബായ പള്ളിയുടെ സമീപത്ത് റോഡരികിലും പുളിന്താനം കവലയിലും മാവുടി റോഡിലുമുള്ള ഭണ്ഡാരങ്ങളാണ് കുത്തിത്തുറന്ന് മോഷണം നടത്തിയത്. നഷ്ടം കണക്കാക്കിയിട്ടില്ല. രണ്ടു മാസം മുമ്പ് പള്ളിക്കകത്തെ ഭണ്ഡാരവും ഓഫിസും കവർച്ച ചെയ്തിരുന്നു. ഇടവേളക്ക് ശേഷം മോഷ്്ടാക്കൾ സജീവമായത് ജനങ്ങളിൽ പരിഭ്രാന്തി പരത്തിയിട്ടുണ്ട്. പൊലീസ് പട്രോളിങ് ശക്തമാക്കണമെന്നും ആവശ്യമുയർന്നിട്ടുണ്ട്. പള്ളി അധികൃതർ പോത്താനിക്കാട് പൊലീസിൽ പരാതി നൽകി.