Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightകേടായ ടി.വിക്ക്​...

കേടായ ടി.വിക്ക്​ നഷ്​ടപരിഹാരം നൽകണമെന്ന്​ ഉപഭോക്​തൃ ഫോറം

text_fields
bookmark_border
കോതമംഗലം: വയോധികന് തുണയായി ഉപഭോക്തൃ ഫോറം വിധി. കേടായ ടി.വി നന്നാക്കി നൽകുകയോ നഷ്ടപരിഹാരം നൽകുകയോ ചെയ്യണമെന്നാണ് നിർദേശം. കോതമംഗലം സബ് സ്റ്റേഷൻപടി സ്വദേശി ജേക്കബിനാണ് ജില്ല കൺസ്യൂമർ ഫോറത്തി​െൻറ അനുകൂല വിധി. 2012ൽ ജേക്കബ് ഇരുപതിനായിരത്തിലധികം രൂപ മുടക്കി കോതമംഗലത്തെ ഗൃഹോപകരണ സ്ഥാപനത്തിൽനിന്ന് വാങ്ങിയ എൽ.ഇ.ഡി ടി.വി പലവട്ടം കേടായി. ഇത് നന്നാക്കിയ വകയിൽ നാലായിരത്തോളം രൂപ െചലവായിരുന്നു. ഗാരൻറി കഴിഞ്ഞശേഷം വീണ്ടും ടി.വി കേടാവുകയും ഇത് നന്നാക്കാൻ കമ്പനിയുടെ ടെക്നീഷ്യനെ സമീപിച്ചപ്പോൾ കൂടുതൽ പണം ആവശ്യപ്പെടുകയും ചെയ്തു. ഇേതതുടർന്ന് ജേക്കബ് കോതമംഗലം ഉപഭോക്തൃ സമിതി ചെയർമാൻ ഗോപാലൻ വെണ്ടുവഴി മുഖേന എറണാകുളം കൺസ്യൂമർ ഫോറത്തിൽ പരാതി നൽകുകയായിരുന്നു. പരാതിയുടെ അടിസ്ഥാനത്തിൽ 30 ദിവസത്തിനകം ടി.വി നന്നാക്കി നൽകുകയോ അല്ലെങ്കിൽ 10,000 രൂപ നഷ്ടപരിഹാരം നൽകുകയോ ചെയ്യണമെന്നുമാണ് ഉത്തരവായത്.
Show Full Article
TAGS:LOCAL NEWS 
Next Story