പെട്രോളിയം ഉൽപന്നങ്ങൾക്ക്​ ജി.എസ്​.ടി: വരുമാന നഷ്​ടം കേന്ദ്രം വഹിക്കണമെന്ന്​

എടത്തല: പെട്രോളിയം ഉൽപന്നങ്ങളെ ജി.എസ്.ടിയിൽ ഉൾപ്പെടുത്തുകയാണെങ്കിൽ സംസ്ഥാന സർക്കാറിനുണ്ടാകുന്ന വരുമാന നഷ്ടം കേന്ദ്രം വഹിക്കണമെന്ന് ധനകാര്യമന്ത്രി ഡോ. തോമസ് ഐസക്. ആലുവ ചുണങ്ങംവേലി രാജഗിരി ആശുപത്രിയിൽ സഹസ്ര ഹൃദയം പദ്ധതി ഉദ്ഘാടനം ചെയ്യാനെത്തിയ അദ്ദേഹം മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു. പെട്രോളിയം ഉൽപന്നങ്ങൾ ജി.എസ്.ടിയിൽ ഉൾപ്പെടുത്തിയാൽ 500-1000 കോടി രൂപക്കിടയിൽ സംസ്ഥാന സർക്കാറിന് നികുതി നഷ്ടം ഉണ്ടാകും. ജി.എസ്.ടി ഭരണഘടന ഭേദഗതി ജി.എസ്.ടി കൗൺസിലാണ് തീരുമാനിക്കേണ്ടതെന്നും അദ്ദേഹം പറഞ്ഞു.