സുരക്ഷ ബോധവത്കരണ പരിപാടി

മൂവാറ്റുപുഴ: ജനമൈത്രി പൊലീസി​െൻറ നേതൃത്വത്തില്‍ ഇതര സംസ്ഥാനക്കാര്‍ക്ക് തുടങ്ങി. നഗരത്തിലെ വിവിധ കേന്ദ്രങ്ങളിലുള്ള ഇതര സംസ്ഥാന തൊഴിലാളികളെ കണ്ടെത്തിയാണ് ബോധവത്കരണ പരിപാടി സംഘടിപ്പിക്കുന്നത്. നിയമവിരുദ്ധ പ്രവര്‍ത്തനങ്ങള്‍ ചെയ്യുന്നവരെ കണ്ടെത്താനും വ്യാജഭീഷണികള്‍ തടയാനുമുള്ള നിര്‍ദേശങ്ങൾ നൽകും. എ.എസ്‌.ഐ എം.എം. ഷമീര്‍, ജനമൈത്രി സി.ആര്‍.ഒ എം.എം. അബ്ദുൽ റഹ്മാന്‍, ജൂനിയര്‍ എസ്‌.ഐ ടി.ഡി. മനോജ്കുമാര്‍, എച്ച്.എസ്.പി.ഒ കെ.പി. സിദ്ദീഖ് എന്നിവരുടെ നേതൃത്വത്തിലാണ് ക്ലാസ്.