Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightമാർബിൾ കടക്ക്​ തീ...

മാർബിൾ കടക്ക്​ തീ പിടിച്ചു

text_fields
bookmark_border
കളമശ്ശേരി: പൂട്ടിക്കിടന്ന മാർബിൾ കടക്ക് തീ പിടിച്ച് ഓഫിസും ഉപകരണങ്ങളും രേഖകളും കത്തിനശിച്ചു. സൗത്ത് കളമശ്ശേരിയിലെ രാജസ്ഥാൻ മാർബിൾ ഷോപ്പിലാണ് തീ പിടിത്തം. ഷോട്ട് സർക്യൂട്ടാണ് കാരണമെന്നാണ് പ്രാഥമിക വിലയിരുത്തൽ. കമ്പ്യൂട്ടർ ഉൾപ്പെടെ ഓഫിസ് ഉപകരണങ്ങളും നിരവധി രേഖകളും കത്തിനശിച്ചു. വ്യാഴാഴ്ച രാവിലെ 8.30ഓടെ കട വൃത്തിയാക്കാനെത്തിയ ജീവനക്കാരിയാണ് അകത്തുനിന്ന് തീയും പുകയും ഉയരുന്നത് കണ്ടത്. ഇവർ അറിയിച്ചതിനെത്തുടർന്ന് സമീപവാസികൾ പൊലീസിലും തുടർന്ന് ഫയർഫോഴ്സിലും വിവരം അറിയിക്കുകയായിരുന്നു. ഏലൂരിൽനിന്ന് എത്തിയ രണ്ട് ഫയർ യൂനിറ്റ് അര മണിക്കുർ കൊണ്ടാണ് തീ അണച്ചത്. അഞ്ചുലക്ഷം രൂപയുടെ നഷ്ടമാണ് കണക്കാക്കുന്നതെന്ന് അഗ്നിശമനസേന ഉദ്യോഗസ്ഥർ പറഞ്ഞു. തീപിടിത്തംപോലുള്ള അപകടങ്ങൾ ഉണ്ടായാൽ രക്ഷാപ്രവർത്തനത്തിന് ആവശ്യമായ സജ്ജീകരണങ്ങളും സൗകര്യങ്ങളും സ്ഥാപനത്തിൽ ഇല്ലായിരുന്നു. ഇവ സജ്ജമാക്കിയശേഷമേ സ്ഥാപനം തുറക്കാവൂയെന്ന് ആവശ്യപ്പെടുമെന്നും അഗ്നിശമനസേന അറിയിച്ചു.
Show Full Article
TAGS:LOCAL NEWS 
Next Story