സ്​പെഷൽ സ്​കൂളിന്​ ബസ്​ നൽകി

ആലങ്ങാട്: വെളിയത്തുനാട് വെൽഫെയർ അസോസിയേഷൻ ട്രസ്റ്റിന് കീഴിലെ വി കെയർ സ്പെഷൽ സ്കൂളിന് വി.കെ. ഇബ്രാഹിം കുഞ്ഞ് എം.എൽ.എ അനുവദിച്ച ബസി​െൻറ സമർപ്പണവും ഉദ്ഘാടനവും നടന്നു. താക്കോൽ കൈമാറി എം.എൽ.എ ഉദ്ഘാടനം ചെയ്തു. അദ്ദേഹം കുട്ടികളോടൊപ്പം യാത്രയും ചെയ്തു. ട്രസ്റ്റ് ചെയർമാൻ ഡോ. മൻസൂർ ഹസൻ അധ്യക്ഷത വഹിച്ചു. പ്രാദേശിക വികസന ഫണ്ടിൽനിന്ന് 13.5ലക്ഷം രൂപയാണ് ബസിന് വിനിയോഗിച്ചത്. കരുമാല്ലൂർ പഞ്ചായത്ത് പ്രസിഡൻറ് ജി.ഡി. ഷിജു മുഖ്യാതിഥിയായി. ജയരാജ്, വി.കെ. അബ്ദുൽ അസീസ്, പി.കെ. അബ്ദുൽ ഷുക്കൂർ, റഷീദ് കൊടിയൻ, പി.എസ്. മാലിക് എന്നിവർ സംസാരിച്ചു. പ്രസിഡൻറ് കെ.കെ. മുഹമ്മദ് ഷബീർ സ്വാഗതവും സെക്രട്ടറി സി.ഐ അബ്ദുൽ ജബ്ബാർ നന്ദിയും പറഞ്ഞു.