മുത്തൂറ്റ് വിദ്യാഭ്യാസ സ്‌കോളര്‍ഷിപ്

കൊച്ചി: മുത്തൂറ്റ് ഫിനാന്‍സി​െൻറ മുത്തൂറ്റ് എം. ജോര്‍ജ് ഫൗേണ്ടഷന്‍ പ്രഫഷനല്‍ കോഴ്‌സുകളില്‍ പഠിക്കുന്നവര്‍ക്ക് സ്‌കോളര്‍ഷിപ് നല്‍കുന്നു. മെഡിസിന്‍, എൻജിനീയറിങ്, ബി.എസ്സി നഴ്‌സിങ്, ബി.കോം വിദ്യാർഥികള്‍ക്ക് സ്‌കോളര്‍ഷിപ്പിന് അപേക്ഷിക്കാം. അര്‍ഹരായ കുട്ടികള്‍ക്ക് ശക്തമായ കരിയര്‍ വളര്‍ത്തിയെടുക്കാനും അവരെ സാമ്പത്തികമായി സ്വാശ്രയരാക്കാനും ലക്ഷ്യമിട്ടാണ് ഈ സ്‌കോളര്‍ഷിപ്പെന്ന് എക്‌സിക്യൂട്ടിവ് ഡയറക്ടര്‍ ജോര്‍ജ് എം. ജേക്കബ് വാർത്തസമ്മേളനത്തില്‍ അറിയിച്ചു. യോഗ്യത പരീക്ഷയില്‍ 80 ശതമാനം മാര്‍ക്കോ തത്തുല്യ ഗ്രേഡിങ്ങോ ലഭിക്കുന്ന രണ്ടുലക്ഷത്തില്‍ താഴെ വാര്‍ഷിക വരുമാനമുള്ളവര്‍ക്കാണ് സ്‌കോളര്‍ഷിപ്പിന് അപേക്ഷിക്കാന്‍ അര്‍ഹത. തെരഞ്ഞെടുക്കപ്പെടുന്നവര്‍ക്ക് കോഴ്‌സി​െൻറ അവസാനം വരെ സ്‌കോളര്‍ഷിപ് ലഭിക്കും. എം.ബി.ബി.എസിന് 50,000, ബി.ടെക്കിനും ബി.എസ്സി നഴ്‌സിങ്ങിനും 25,000, ബി.കോമിന് 15,000 രൂപ എന്ന നിലയില്‍ ഓരോ വിഭാഗത്തിലും പത്തുപേര്‍ക്ക് വീതമാകും സ്‌കോളര്‍ഷിപ്. ഫോണ്‍: -0484 6690386, 9656010021. വാർത്തസമ്മേളനത്തില്‍ ബാബു ജോണ്‍ മലയിലും പങ്കെടുത്തു.