ചങ്ങമ്പുഴ ജന്മദിനാഘോഷം 11, 12 തീയതികളിൽ

കൊച്ചി: മഹാകവി ചങ്ങമ്പുഴ കൃഷ്ണപിള്ളയുടെ 107-ാം ജന്മദിനാഘോഷം 11, 12 തീയതികളിൽ കവിയുടെ ജന്മദേശമായ ഇടപ്പള്ളിയിൽ നടക്കും. ചങ്ങമ്പുഴ സ്മാരക ഗ്രന്ഥശാല സംഘടിപ്പിക്കുന്ന പരിപാടികൾക്ക് 11ന് രാവിലെ ഒമ്പതിന് ചങ്ങമ്പുഴ സമാധിയിൽ പുഷ്പാർച്ചനയോടെ തുടക്കമാകും. വൈകീട്ട് അഞ്ചിന് ചങ്ങമ്പുഴ പാർക്കിൽ നാരായണ മാരാരുടെ കുഴൽപ്പറ്റ്, ആറിന് അനുസ്മരണ സമ്മേളനം ബാലചന്ദ്രൻ ചുള്ളിക്കാട് ഉദ്ഘാടനം ചെയ്യും. ഗ്രന്ഥശാല പ്രസിഡൻറ് ഡോ.എൻ. ചന്ദ്രമോഹൻകുമാർ അധ്യക്ഷത വഹിക്കും. കെ.പി. അജിത്കുമാർ സംസാരിക്കും. 12ന് ചങ്ങമ്പുഴ കലാവേദി വാർഷികാഘോഷങ്ങൾ. വൈകീട്ട് 5.30ന് സമ്മാനദാനം. ഏഴിന് നൃത്തപരിപാടി നടക്കും.