കേരളത്തി​െൻറ ഉൾക്കാമ്പ്​ അറിഞ്ഞതുകൊണ്ടാണ് ​ അമിത്​ഷാക്ക്​ പിന്തിരിയേണ്ടിവന്ന​െതന്ന്​ മുഖ്യമന്ത്രി

ആലപ്പുഴ: കേരളത്തെ അപകീർത്തിപ്പെടുത്തുന്ന തരത്തിൽ പ്രചാരണത്തിന് ഇറങ്ങിയ ബി.ജെ.പി േനതാക്കളുടെ നിലപാടിനെതിരെ വിവിധ കോണുകളിൽനിന്ന് വന്ന വിമർശനങ്ങൾക്ക് നന്ദിയുണ്ടെന്ന് മുഖ്യമന്ത്രി പിണറായി വിജയൻ. കേരളത്തി​െൻറ ഉൾക്കാമ്പ് മനസ്സിലായതുകൊണ്ടാണ് ഒറ്റ രാത്രികൊണ്ട് ബി.ജെ.പി ദേശീയ നേതാവിന് പിന്തിരിയേണ്ടിവന്നത്. മറുനാട്ടിലുള്ളവർ വന്ന് നമ്മുടെ നാടിനെതിരെ നുണപ്രചാരണം നടത്തുന്നത് ഇവിടത്തെ ജനങ്ങൾ സഹിക്കില്ലെന്ന് അവരെ ബോധ്യപ്പെടുത്തി. സൗഹാർദവും മതനിരപേക്ഷപരവുമായ സംസ്കാരം ഉൾക്കൊള്ളുന്നതാണ് കേരളത്തി​െൻറ ഉൾക്കാമ്പ്. അതിനോട് ഏറ്റുമുട്ടിയാൽ നടക്കില്ലെന്ന് കുപ്രചാരണത്തിന് എത്തിയ നേതാവ് ഉൾപ്പെടെയുള്ളവർക്ക് മനസ്സിലായതുകൊണ്ടാണ് മടങ്ങേണ്ടിവന്നതെന്നും മത്സ്യത്തൊഴിലാളി സംഗമം ഉദ്ഘാടനത്തിൽ മുഖ്യമന്ത്രി പറഞ്ഞു.