കൗമാര ലോകകപ്പിന് ആവേശകരമായ സ്വാഗതമേകി ഫ്രറ്റേണിറ്റി മൂവ്മെൻറ്​

മട്ടാഞ്ചേരി: ഫ്രറ്റേണിറ്റി മൂവ്മ​െൻറ് എറണാകുളം ജില്ല കമ്മിറ്റിയുടെ നേതൃത്വത്തിൽ ഫോർട്ട്കൊച്ചി ബീച്ചിൽ ഫിഫ അണ്ടർ 17 ലോകകപ്പിന് സ്വാഗതമേകി ഷൂട്ട് ഔട്ട് സംഘടിപ്പിച്ചു. വിദേശികളും ഇതര സംസ്ഥാനക്കാരുമായ ടൂറിസ്റ്റുകളുൾപ്പെടെ നൂറിലധികം ആളുകൾ പങ്കാളികളായ പരിപാടി ആവേശകരമായി. ചെറിയ കുട്ടികൾ മുതൽ വയോധികർ വരെ ഷൂട്ട്ഔട്ടിൽ സജീവമായി പങ്കുചേർന്നു. ഗോൾ സ്കോർ ചെയ്തവർക്ക് സമ്മാനമായി മധുരം വിതരണം ചെയ്തു. ജില്ല പ്രസിഡൻറ് ഷബീർ എം. ബഷീർ ഷൂട്ട്ഔട്ട് ഉദ്ഘാടനം ചെയ്തു. ജില്ല ജനറൽ സെക്രട്ടറി എ.എസ്. ശരണ്യ, ജില്ല വൈസ് പ്രസിഡൻറുമാരായ പാസ്റ്റർ സതീഷ്, മൊയ്നുദ്ദീൻ അഫ്സൽ, സെക്രട്ടറി ഫാത്തിമ പള്ളുരുത്തി, സെക്രേട്ടറിയറ്റ് അംഗങ്ങളായ ശ്രുതി ചന്ദ്രൻ, അഫ്സൽ, റഊഫ്, ഷാനി വല്ലം, അംജദ് എടത്തല, മുഫീദ് കൊച്ചി തുടങ്ങിയവർ പരിപാടിക്ക് നേതൃത്വം നൽകി.