വാലുമ്മലിൽ സ്കൂളി​െൻറ ചുറ്റുമതിൽ തകർത്തു

പള്ളുരുത്തി: തോപ്പുംപടി വാലുമ്മലിൽ പ്രവർത്തിക്കുന്ന അമൃത സ്പെഷൽ സ്കൂളി​െൻറ ചുറ്റുമതിൽ സാമൂഹിക വിരുദ്ധർ തകർത്തു. ബുധനാഴ്ച വൈകീട്ടോടെ സ്കൂളിലേക്ക് സംഘം ചേർന്നെത്തിയവർ പുതുതായി കെട്ടിയ കോൺക്രീറ്റ് മതിലി​െൻറ ഭാഗങ്ങൾ അടിച്ചു തകർക്കുകയായിരുന്നു. നഗരസഭാംഗത്തി​െൻറ ഭർത്താവി​െൻറ നേതൃത്വത്തിലാണ് അക്രമിസംഘമെത്തിയതെന്നാണ് ആരോപണം ഉയർന്നിരിക്കുന്നത്. ഒരു വർഷം മുമ്പാണ് മഠത്തി​െൻറ നേതൃത്വത്തിൽ സ്കൂൾ പ്രവർത്തനം ആരംഭിച്ചത്. സ്കൂളിന് ചുറ്റുമതിൽ ഇല്ലാത്തതിനാൽ കുട്ടികൾ തിരക്കുള്ള റോഡിലേക്ക് ഇറങ്ങി അപകടം പതിവായിരിക്കുകയാണെന്ന് സ്കൂൾ അധികൃതർ പറഞ്ഞു. ഇതിനെ തുടർന്ന് നിർമിച്ച മതിലാണ് അക്രമികൾ തകർത്തത്. നൂറിലധികം ഭിന്നശേഷിക്കാരായ കുട്ടികൾ പഠിക്കുന്ന സ്ഥാപനമാണിത്.