ഫ്രറ്റേണിറ്റി കുസാറ്റ് മാർച്ച്​ നടത്തി

കളമശ്ശേരി: വിദ്യാഭ്യാസമേഖലയിൽ സംവരണതത്ത്വം അട്ടിമറിക്കുന്നതിനെതിരെ വിദ്യാർഥികളും പൊതുസമൂഹവും രംഗത്തുവരണമെന്ന് ഫ്രറ്റേണിറ്റി സംസ്ഥാന ജനറൽ സെക്രട്ടറി പ്രദീപ് നെന്മാറ. ഒ.ഇ.സി വിദ്യാർഥികളുടെ ഫീസിളവ് പുനഃസ്ഥാപിക്കാൻ ആവശ്യപ്പെട്ട് ഫ്രറ്റേണിറ്റി നടത്തിയ കുസാറ്റ് മാർച്ചിൽ സംസാരിക്കുകയായിരുന്നു അദ്ദേഹം. എസ്.ഒ.ഇയിൽനിന്ന് ആരംഭിച്ച് മാർച്ച് ഭരണ കാര്യാലയത്തിന് മുന്നിൽ തടഞ്ഞു. തുടർന്ന് യൂനിവേഴ്സിറ്റി പ്രധാന കവാടം ഉപരോധിച്ചു. ഒടുവിൽ വിദ്യാർഥികളെ ചർച്ചക്ക് വിളിക്കുകയും ഫീസിളവ് പുനഃസ്ഥാപിക്കുമെന്ന് ഉറപ്പും നൽകി. ഇൗ മാസം 21ന് സിൻഡിക്കേറ്റ് യോഗം ഇക്കാര്യം ചർച്ച ചെയ്യുമെന്ന് രേഖാമൂലം അറിയിക്കുകയും ചെയ്തു. സംസ്ഥാന ജനറൽ സെക്രട്ടറി കെ.എം. ഷെഫ്രിൻ, സെക്രട്ടറി കെ.എസ്. നിസാർ, സെക്രേട്ടറിയറ്റ് അംഗം കെ.കെ. അഷറഫ്, ജില്ല ജനറൽ സെക്രട്ടറി റിസ്വാൻ പെരിങ്ങാല, ജില്ല വൈസ് പ്രസിഡൻറുമാരായ മൊയിനുദ്ദീൻ അഫ്സൽ, മിസ്രിയ റഹ്മത്ത്, ഫ്രറ്റേണിറ്റി കുസാറ്റ് പ്രസിഡൻറ് ഫസൽ, ഫായിസ് എന്നിവർ സംസാരിച്ചു. ജില്ല സെക്രട്ടറിമാരായ അംജദ് എടത്തല, ഷിറാൻ സിയാദ്, ജില്ല സമിതി അംഗങ്ങളായ റഉൗഫ് തോട്ടുമുഖം, അഫ്സൽ കീഴ്മാട്, അസ്ന കെ. അമീൻ, ആഷിഖ മർജാൻ, കുസാറ്റ് വിദ്യാർഥികളായ മുഫീദ്, അമീൻ, നസീഫ്, ഹാഫിസ് തുടങ്ങിയവർ നേതൃത്വം നൽകി.