ഡോൾഫിൻ കുഞ്ഞ് ചത്തടിഞ്ഞു

പള്ളുരുത്തി: ചെല്ലാനം മേഖലയിലെ കടൽത്തീരത്ത് . രണ്ടര അടിയോളം നീളമുള്ള ഡോൾഫിനാണ് തീരമണഞ്ഞത്. നാട്ടുകാർ കുഴിച്ചുമൂടി. അടുത്തിടെയായി ഡോൾഫിനുകൾ ചത്തടിയുന്നത് പതിവായിട്ടുണ്ട്. ആറുമാസത്തിനിടെ പത്തോളം ഡോൾഫിനുകളാണ് കരക്കടിഞ്ഞത്. ഇവയിൽ ഒരെണ്ണത്തി​െൻറ വയറിന് കുറുകെ നീളത്തിൽ മുറിവുണ്ടായിരുന്നു. കപ്പലി​െൻറയോ ബോട്ടി​െൻറയോ പ്രൊപ്പല്ലർ കൊണ്ട് മുറിഞ്ഞതാകാമെന്നാണ് വിലയിരുത്തിൽ. ചത്തനിലയിൽ കണ്ട മറ്റ് ഡോൾഫിനുകളുടെ ശരീരത്തിൽ മുറിവുകൾ കണ്ടിരുന്നില്ല. മാലിന്യവും മറ്റും കടലിൽ തള്ളുന്നതുമൂലം ആവാസവ്യവസ്ഥയിൽ ഉണ്ടാകുന്ന മാറ്റങ്ങളായിരിക്കാം ഡോൾഫിനുകളുടെ നാശത്തിന് ഇടവരുത്തുന്നതെന്ന് മുതിർന്ന മത്സ്യെത്താഴിലാളികൾ പറഞ്ഞു.