ഫാഷിസ്​റ്റ്​ അസഹിഷ്ണുതക്കെതിരെ ജി.ഐ.ഒ ചർച്ചസംഗമം

ഫാഷിസ്റ്റ് അസഹിഷ്ണുതക്കെതിരെ ജി.ഐ.ഒ ചർച്ചസംഗമം പറവൂർ: ഫാഷിസ്റ്റ് അസഹിഷ്ണുതക്കെതിരെ ജി.ഐ.ഒ പറവൂരിൽ പെൺപ്രതിരോധവും ചർച്ചസംഗമവും സംഘടിപ്പിച്ചു. 'സ്റ്റാൻഡ് വിത്ത് ഫ്രെയിംഡ്' തലക്കെട്ടിൽ സംസ്ഥാന വ്യാപകമായി സംഘടിപ്പിക്കുന്ന കാമ്പയിനി​െൻറ ഭാഗമായാണ് പരിപാടി നടന്നത്. ചർച്ചസംഗമം പറവൂർ പഴയ ബസ് സ്റ്റാൻഡിൽ മുനിസിപ്പൽ സ്റ്റാൻഡിങ് കമ്മിറ്റി ചെയർമാൻ ഡെന്നി തോമസ് ഉദ്ഘാടനം ചെയ്തു. ജില്ല പ്രസിഡൻറ് അബീന മൻസൂർ അധ്യക്ഷത വഹിച്ചു. സംസ്ഥാന കമ്മിറ്റിയംഗം ആനിസ മുഹ്യിദ്ദീൻ മുഖ്യപ്രഭാഷണം നടത്തി. കൗൺസിലർ കെ.ജെ. ഷൈൻ, ഫ്രറ്റേണിറ്റി മൂവ്മ​െൻറ് സംസ്ഥാന വൈസ് പ്രസിഡൻറ് ഗിരീഷ് കാവാട്ട്, എസ്.ഐ.ഒ സംസ്ഥാന സെക്രട്ടറി അംജദ് അലി, ജമാഅത്തെ ഇസ്ലാമി ഏരിയ പ്രസിഡൻറ് ഐ.കെ. ജമാലുദ്ദീൻ എന്നിവർ സംസാരിച്ചു. ഏരിയ പ്രസിഡൻറ് ആദില അശ്റഫ് സ്വാഗതവും സെക്രട്ടറി ഫാത്തിമ ശെഫ്രിൻ നന്ദിയും പറഞ്ഞു. ഇതോടനുബന്ധിച്ച്‌ വിദ്യാർഥിനികൾ എക്സിബിഷനും ഒരുക്കി. പടം- ജി.ഐ.ഒ- പറവൂർ പഴയ സ്റ്റാൻഡിൽ സംഘടിപ്പിച്ച ചർച്ചസംഗമം നഗരസഭ സ്റ്റാൻഡിങ് കമ്മിറ്റി ചെയർമാൻ ഡെന്നി തോമസ് ഉദ്ഘാടനം ചെയ്യുന്നു പടം- ജി.ഐ.ഒ- ജി.ഐ.ഒ പറവൂരിൽ സംഘടിപ്പിച്ച ചർച്ചസംഗമം