കുടിയൊഴിപ്പിക്കലിനെതിരെ പ്രതിഷേധം

നെട്ടൂർ: കുമ്പളം ടോൾ പ്ലാസ വികസനത്തിന് ദേശീയപാത അതോറിറ്റി അധികൃതർ നടത്തുന്ന കുടിയൊഴിപ്പിക്കലിനെതിരെ പ്രതിഷേധ ധർണ നടത്തും. ടോൾ പ്ലാസ വികസനവിരുദ്ധ ജനകീയസമിതിയുടെ നേതൃത്വത്തിൽ തിങ്കളാഴ്ച രാവിലെ 10ന് ടോൾ പ്ലാസക്ക് സമീപം കെ.വി. തോമസ് എം.പി ഉദ്ഘാടനം ചെയ്യും. വിവിധ രാഷ്ട്രീയ, സാമുദായിക, സാംസ്കാരിക നേതാക്കൾ പങ്കെടുക്കും. 'ഗാന്ധിയെ അറിയുക' മട്ടാഞ്ചേരി: കരുവേലിപ്പടി ടാഗോര്‍ ലൈബ്രറി ബാലവേദിയുടെ ആഭിമുഖ്യത്തിൽ ഗാന്ധി ജയന്തി ദിനത്തില്‍ വിദ്യാർഥികള്‍ക്ക് ഗാന്ധിയെക്കുറിച്ച് കൂടുതല്‍ പഠിക്കുന്നതിന് 'ഗാന്ധിയെ അറിയുക' എന്ന പേരില്‍ പഠന പരിപാടി സംഘടിപ്പിക്കുന്നു. രാവിലെ 10ന് ലൈബ്രറി ഹാളിലാണ് പരിപാടി.