മധ്യവയസ്കൻ പെരിയാറിൽ ചാടിയതായി അഭ്യൂഹം

ആലുവ: . ഇതേതുടർന്ന് പൊലീസും ഫയർഫോഴ്സും എത്തിയെങ്കിലും പുഴയിൽ അടിയൊഴുക്ക് ശക്തമായതിനാലും വെളിച്ചക്കുറവുമൂലവും തിരച്ചിൽ നടത്താൻ കഴിഞ്ഞില്ല. ബുധനാഴ്ച രാത്രി 8.30 ഓടെ മാർത്താണ്ഡവർമ പാലത്തിന് സമീപത്താണ് സംഭവം. ഏറെ നേരം പാലത്തിൽ നിന്ന നീല ഷർട്ട് ധരിച്ച ഒരാളെ പെട്ടെന്ന് കാണാതായതായാണ് ചിലർ പൊലീസിൽ അറിയിച്ചത്. ഇയാൾ പുഴയിൽ ചാടിെയന്ന് സംശയിക്കുന്നതായും പറഞ്ഞു. തുടർന്നാണ് പൊലീസും ഫയർഫോഴ്സും എത്തിയത്. പ്രതികൂല സാഹചര്യമായതിനാലും ചാടിയെന്ന കാര്യത്തിൽ ഉറപ്പില്ലാത്തതിനാലും തിരച്ചിൽ വ്യാഴാഴ്ച രാവിലെ നടത്താൻ തീരുമാനിച്ചതായി പൊലീസ് പറഞ്ഞു.