ekd chn1

കെട്ടിടത്തിന് മുകളിൽനിന്ന് വീണ് ഇതരസംസ്ഥാന തൊഴിലാളി മരിച്ചു കൊച്ചി: കെട്ടിടത്തിന് മുകളിൽനിന്ന് വീണ് കെട്ടിടനിർമാണ തൊഴിലാളി മരിച്ചു. അസം സ്വദേശി ശ്യാംലാൽ സർക്കാറാണ് (24) മരിച്ചത്. ബുധനാഴ്ച രാവിലെ 11ന് പുതുക്കലവട്ടത്തെ എസ്.കെ കൺസ്ട്രക്ഷനിൽ ജോലി ചെയ്യുകയായിരുന്ന ശ്യാംലാൽ ജോലിക്കിടെ വിശ്രമിക്കാൻ പടിയിൽ ഇരുന്നപ്പോൾ നിയന്ത്രണം വിട്ട് വീഴുകയായിരുന്നു. ആറാംനിലയിൽ നിന്നാണ് ശ്യാംലാൽ വീണത്. എറണാകുളത്തെ സ്വകാര്യ ആശുപത്രിയിൽ എത്തിച്ചെങ്കിലും വൈകീട്ട് മൂന്നരയോടെ മരിച്ചു. ട്രെയിൻ തട്ടി യുവാവ് മരിച്ചു കൊച്ചി: മുളവുകാട് കളത്തിപ്പറമ്പിൽ സലിയുടെ മകൻ ഗുരുപ്രകാശ് (21) ട്രെയിൻ തട്ടി മരിച്ചു. ബുധനാഴ്ച വെളുപ്പിന് പുതുക്കലവട്ടത്തെ റെയിൽവേപാളത്തിന് സമീപത്തുനിന്നാണ് ഗുരുപ്രകാശിനെ ട്രെയിൻ തട്ടി മരിച്ചനിലയിൽ കണ്ടെത്തിയത്. മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടുകൊടുത്തു.