സബ്​സിഡി ലഭ്യമാക്കണമെന്ന്​

കൂത്താട്ടുകുളം: മാസങ്ങളായി കുടിശ്ശികയായ റബർ കർഷകരുടെ സബ്സിഡി തുക എത്രയും വേഗം ലഭ്യമാക്കണമെന്ന് കർഷക കോൺഗ്രസ് കൂത്താട്ടുകുളം മണ്ഡലം കമ്മിറ്റി ആവശ്യപ്പെട്ടു. റബർ വില നിത്യേന കുറഞ്ഞുവരുന്ന സാഹചര്യത്തിൽ സബ്സിഡി ലഭ്യമാക്കാൻ അടിയന്തര നടപടി സ്വീകരിക്കണമെന്ന് യോഗം ആവശ്യപ്പെട്ടു. ജോമി മാത്യു അധ്യക്ഷത വഹിച്ചു. ജില്ല പ്രസിഡൻറ് കെ.ജെ. ജോസഫ് ഉദ്ഘാടനം ചെയ്തു. എ.കെ. തോമസ്, എം.കെ. ജോർജ്, റോയി ജോൺ, പി.സി. ജോസ്, പ്രിൻസ് പോൾ ജോൺ, അജി തോമസ്, സാബു മണലോടി, ജേക്കബ് ജോൺ, എം.വി. ജോയി, സി.ജെ. ജോൺസൺ എന്നിവർ സംസാരിച്ചു.