മുനിസിപ്പല്‍ പാര്‍ക്ക് സംരക്ഷണ വേലി കെട്ടി പ്രതിഷേധം

കാക്കനാട്: പൊളിഞ്ഞു കിടന്നിരുന്ന മുനിസിപ്പല്‍ പാര്‍ക്കി​െൻറ വേലി കെട്ടിയവര്‍ക്കെതിരെ നടപടിയെടുക്കാന്‍ തൃക്കാക്കര നഗരസഭ അധികൃതരുടെ നിര്‍ദേശം. സാമൂഹിക വിരുദ്ധര്‍ താവളമാക്കിയ പാര്‍ക്കി​െൻറ വേലി കെട്ടാന്‍ നഗരസഭ നടപടിയെടുക്കാത്തതില്‍ പ്രതിഷേധിച്ച് യൂത്ത് ലീഗ് പ്രവര്‍ത്തകരാണ് താൽക്കാലിക വേലി കെട്ടി സംരക്ഷിച്ചത്. നഗരസഭ സെക്രട്ടറിയുടെ നിര്‍ദേശ പ്രകാരം തൃക്കാക്കര പൊലീസ് സ്ഥലത്തെത്തി. എന്നാല്‍, സമരക്കാര്‍ പാര്‍ക്കി​െൻറ വേലി കെട്ടി പൊതുമുതല്‍ സംരക്ഷിക്കുകയാണ് ചെയ്‌തതെന്ന് മനസ്സിലാക്കിയ പൊലീസ് നടപടിയെടുത്തില്ല. ഈ വിവരം നഗരസഭ സെക്രട്ടറിയെ പൊലീസ് ഫോണില്‍ അറിയിക്കുകയും ചെയ്തു. പൊളിഞ്ഞ് കിടന്നിരുന്ന വേലിയുടെ 160 മീറ്റര്‍ കെട്ടി സമരക്കാര്‍ സംരക്ഷിക്കുകയായിരുന്നു. മനോഹരമായി വേലികെട്ടിയ സമരക്കാരെ പൊലീസ് അഭിനന്ദിക്കുകയും ചെയ്തു. യൂത്ത് ലീഗ് മുനിസിപ്പല്‍ പ്രസിഡൻറ് പി.എം. മാഹിന്‍കുട്ടി, ജനറല്‍ സെക്രട്ടറി കെ.എന്‍. നിയാസ്, ഭാരവാഹികളായ സി.എസ് സിയാദ്, ഷെഫീഖ് അത്താണി, മുഹമ്മദ് സാബു, നിഷാദ്, മുഹമ്മദ് അസ്ലം, സി.ബി ഫര്‍ഷാദ്, കെ.എം. അന്‍സാര്‍, സഹദ്, അംഷാജ്, കെ.എം സിയാദ്, ഫാറൂഖ് തുടങ്ങിയവര്‍ സുരക്ഷാവേലിക്കെട്ടിന് നേതൃത്വം നല്‍കി.