മൂരി ഇടഞ്ഞോടി; ഗതാഗതം സ്തംഭിച്ചു

മൂവാറ്റുപുഴ: പെട്ടി ഓട്ടോയിൽ കൊണ്ടുവന്ന മൂരിയെ വലിയ വാഹനത്തിലേക്ക് മാറ്റുന്നതിനിടെ ഇടഞ്ഞോടിയത് പരിഭ്രാന്തി പരത്തി. ഇതോടെ എം.സി റോഡിൽ ഗതാഗതം സ്തംഭിച്ചു. ഞായറാഴ്ച ഉച്ചക്ക് 2.30ഓടെ മൂവാറ്റുപുഴ--പെരുമ്പാവൂര്‍ എം.സി റോഡില്‍ വാഴപ്പിള്ളി മില്‍മക്ക് സമീപമാണ് സംഭവം. മിനിലോറിയിലേക്ക് കയറ്റുന്നതിനാണ് മൂരിയെ പെട്ടി ഓട്ടോയിൽനിന്ന് ഇറക്കിയത്. പെട്ടി ഓട്ടോയിൽനിന്ന് ഇറക്കുന്നതിനിടെ മൂരി വിരണ്ടോടി. ഇതോടെ ഇരുഭാഗത്തേക്കുമുള്ള വാഹനങ്ങള്‍ കുരുക്കിലായി. കാല്‍നടക്കാരായ നിരവധിപേര്‍ ഭയന്നോടി. ഒടുവിൽ മൂരിയെ കൊണ്ടുവന്നവര്‍ ഓടിച്ചുപിടിച്ച് വാഹനത്തിൽ കയറ്റി കൊണ്ടുപോകുകയായിരുന്നു.