കുസാറ്റ്​ തെരഞ്ഞെടുപ്പ്: ഹൈകോടതി വിശദീകരണം തേടി

കൊച്ചി: കൊച്ചി സർവകലാശാലയിൽ സമയബന്ധിതമായി വിദ്യാർഥി യൂനിയൻ തെരഞ്ഞെടുപ്പ് നടത്തണമെന്ന ഹരജിയിൽ ഹൈകോടതി രജിസ്ട്രാറിനോട് വിശദീകരണം തേടി. ലിങ്ദോ കമീഷൻ റിപ്പോർട്ട് അനുസരിച്ച് സർവകലാശാല തെരഞ്ഞെടുപ്പുകൾ കൃത്യസമയത്ത് നടത്തേണ്ടതുണ്ടെന്നുകാണിച്ച് ദിവ്യ പ്രകാശ് എന്ന വിദ്യാർഥിനിയാണ് ഹരജി നൽകിയത്. അക്കാദമിക വർഷം ആരംഭിച്ച് മാസങ്ങൾ കഴിഞ്ഞിട്ടും തെരഞ്ഞെടുപ്പ് നടത്താൻ സർവകലാശാല നടപടിയെടുത്തിട്ടില്ലെന്ന് ഹരജിയിൽ പറയുന്നു.