അറ്റുപോയ കൈവിരലുകള്‍ ശസ്‌ത്രക്രിയയിലൂടെ തുന്നിച്ചേര്‍ത്തു

കൊച്ചി: ജോലിക്കിടെയുണ്ടായ അപകടത്തിൽ അറ്റുേപായ കൈവിരലുകൾ ശസ്ത്രക്രിയയിലൂടെ തുന്നിച്ചേർത്തു. ആലപ്പുഴ ചന്തിരൂരിലെ വര്‍ക്ക്‌ഷോപ് കാർപ​െൻററും പെരുമ്പടപ്പ്‌ സ്വദേശിയുമായ ലിനു സേവ്യറി​െൻറ വിരലുകളാണ് മൈക്രോവാസ്‌കുലര്‍ ശസ്‌ത്രക്രിയയിലൂടെ തുന്നിച്ചേര്‍ത്തത്. എറണാകുളം സ്‌പെഷ്യലിസ്റ്റ്സ്‌ ആശുപത്രിയിലെ പ്ലാസ്റ്റിക്‌ സര്‍ജറി വിദഗ്‌ധരാണ്‌ ആറുമണിക്കൂര്‍ നീണ്ട സങ്കീര്‍ണ ശസ്‌ത്രക്രിയയിലൂടെ ലിനുവി​െൻറ കൈവിരലുകള്‍ തുന്നിച്ചേർത്തത്‌. കഴിഞ്ഞ 16നാണ് യന്ത്രം ഉപയോഗിച്ച്‌ മരം മുറിക്കുന്നതിനിടെ ചന്തിരൂര്‍ കോണ്‍കോര്‍ഡ്‌ വര്‍ക്ക്‌ഷോപ്പിലെ ജീവനക്കാരനായ സേവ്യറി​െൻറ ഇടതുകൈയിലെ മൂന്ന്‌ വിരൽ അറ്റുപോയത്‌. മോതിരവിരലാണ്‌ ആദ്യം ശസ്‌ത്രക്രിയയിലൂടെ കൂട്ടിച്ചേർത്തത്‌. ചൂണ്ടുവിരല്‍ വീണ്ടും ഉപയോഗിക്കാനാവാത്ത വിധം തകര്‍ന്നതിനാല്‍ ചൂണ്ടുവിരലി​െൻറ സ്ഥാനത്ത്‌ മധ്യവിരലും തുന്നിച്ചേർത്തു. പ്ലാസ്റ്റിക്‌ സര്‍ജറി വിഭാഗത്തിലെ ഡോ. മനോജ്‌ സനാപ്‌, ഡോ. എസ്‌. ദീപക്‌ എന്നിവരാണ്‌ മൈക്രോവാസ്‌കുലര്‍ സര്‍ജറിക്ക്‌ നേതൃത്വം നല്‍കിയത്‌. അമ്മയും ഭാര്യ മേരിയും മകള്‍ ഏയ്‌ഞ്ചലും അടങ്ങുന്നതാണ്‌ ലിനുവി​െൻറ കുടുംബം. photo ec1 accident victim ലിനു സേവ്യർ