എ.കെ.വി.എം.എസ് ശാഖ വാർഷികം

ആലുവ: അഖില കേരള വിശ്വകർമ മഹാസഭ 1614ാം നമ്പർ എടത്തല ശാഖയുടെ വാർഷിക സമ്മേളനം 12ന് കുഞ്ചാട്ടുകര ശാന്തിഗിരി ആശ്രമത്തിൽ നടക്കും. ഘോഷയാത്ര, സാംസ്കാരിക സമ്മേളനം, കാരുണ്യനിധി വിതരണം, പൊതുസമ്മേളനം തുടങ്ങിയ പരിപാടികൾ സംഘടിപ്പിച്ചിട്ടുണ്ടെന്ന് ഭാരവാഹികൾ അറിയിച്ചു. രാവിലെ ഒമ്പതിന് ശാഖ പ്രസിഡൻറ് എം.കെ. ഉണ്ണികൃഷ്ണൻ പതാക ഉയർത്തും. തുടർന്ന് കല, കായിക മത്സരം ആരംഭിക്കും. ഉച്ചക്ക് രണ്ടിന് ശാഖ വാർഷിക സമ്മേളനത്തിൽ താലൂക്ക് യൂനിയൻ സെക്രട്ടറി പി. ഗോപിനാഥ് കടുങ്ങല്ലൂർ അധ്യക്ഷത വഹിക്കും. വൈകീട്ട് 3.15ന് പുക്കാട്ടുപടി സ​െൻറ് ജോർജ് സ്കൂൾ പരിസരത്തുനിന്ന് സാംസ്കാരിക ഘോഷയാത്ര ആരംഭിക്കും. പുക്കാട്ടുപടി, കുഞ്ചാട്ടുകര വഴി ശാന്തിഗിരിയിൽ സമാപിക്കും. 5.30ന് ചേരുന്ന സാംസ്കാരിക സമ്മേളനം കൊച്ചി സർവകലാശാല സ്കൂൾ ഒാഫ് എൻവയൺമ​െൻറ് വിഭാഗം അസോസിയേറ്റ് പ്രഫ. ഡോ. വി. ശിവാനന്ദൻ ആചാരി ഉദ്ഘാടനം ചെയ്യും. സ്വാഗതസംഘം ചെയർമാൻ മുരളി പാറപ്പുറം അധ്യക്ഷത വഹിക്കും. എ.കെ.വി.എം.എസ് ജില്ല പ്രസിഡൻറ് എം.കെ. അരവിന്ദാക്ഷൻ മുഖ്യപ്രഭാഷണം നടത്തും.