കെട്ടിടത്തിൽ അലാറം അടിച്ചത് പരിഭ്രാന്തി പരത്തി

മൂവാറ്റുപുഴ: ബാങ്ക് ശാഖയടക്കം പ്രവർത്തിക്കുന്ന കെട്ടിടത്തിൽനിന്ന് അപായസൂചകമായ അലാറം അടിച്ചത് പരിഭ്രാന്തി പരത്തി. തീ പിടിച്ചതാണന്ന സന്ദേശത്തെത്തുടർന്ന് ഫയർ ഫോഴ്സും പൊലീസുമെത്തി പരിശോധന നടത്തിയെങ്കിലും ഒന്നും കണ്ടെത്താനായില്ല. നഗരത്തിലെ വെള്ളൂർക്കുന്നത്തെ കെട്ടിടത്തിൽനിന്ന് ബുധനാഴ്ച രാത്രി എേട്ടാടെയാണ് അപായ സൈറൺ മുഴങ്ങിയത്. വിവരമറിയിച്ചതിനെത്തുടർന്ന് എത്തിയ ഫയർ ഫോഴ്സ് സംഘം കെട്ടിടത്തി​െൻറ മൂന്നുനിലകളിലും പരിശോധന നടത്തിയെങ്കിലും ഒന്നും കണ്ടെത്താനായില്ല. മിന്നലിൽ സൈറൺ തകരാറിലായതാണ് കാരണമെന്നാണ് സൂചന.