കെ.എസ്.ആര്‍.ടി.സി ബസിന് കല്ലെറിഞ്ഞ കേസിലെ പ്രതികള്‍ റിമാന്‍ഡില്‍

കൊച്ചി: ഒക്ടോബര്‍ ആറിന് നടന്ന യു.ഡി.എഫ് ഹര്‍ത്താലിൽ പാലാരിവട്ടം ബൈപാസില്‍ കെ.എസ്.ആര്‍.ടി.സി ബസി​െൻറ മുന്നിലെ ഗ്ലാസ് കല്ലെറിഞ്ഞ് തകർത്ത കേസിലെ പ്രതികള്‍ റിമാന്‍ഡില്‍. യു.ഡി.എഫ് അനുഭാവികളായ കടവന്ത്ര സ്വദേശി ചിറമേല്‍ വീട്ടില്‍ ലിജോ ജോസ്(30), വെണ്ണല തൈപ്പറമ്പ് െലയിന്‍ ശ്രീപദം വീട്ടില്‍ വിനയകൃഷ്ണന്‍ (26) എന്നിവരെയാണ് കോടതി റിമാന്‍ഡ് ചെയ്തത്. പ്രതികളെ കസ്റ്റഡിയില്‍ വാങ്ങി തെളിവെടുപ്പ് നടത്തുമെന്ന് െപാലീസ് അറിയിച്ചു. സി.സി ടി.വി കാമറയും മൊബൈല്‍ നമ്പറുകള്‍ സൈബര്‍ സെല്‍ വഴി പരിശോധിച്ചും െപാലീസ് അന്വേഷണം ഊര്‍ജിതമാക്കി എന്നറിഞ്ഞതോടെയാണ് പ്രതികള്‍ മുന്‍കൂര്‍ ജാമ്യത്തിന് കോടതിയില്‍ കീഴടങ്ങിയത്.