കേരളപ്പിറവി ദിനത്തിൽ കുട്ടിൾക്ക് പ്രവേശനോത്സവം

നെട്ടൂർ: കേരളപ്പിറവി ദിനം കുട്ടികൾക്ക് അംഗൻവാടിയിൽ പ്രവേശനോത്സവത്തി​െൻറ ദിനമായിരുന്നു. മരട് നഗരസഭയിലെ അംഗൻവാടികൾ അലങ്കരിച്ചും വിവിധ വർണങ്ങളിൽ ബലൂണുകളും കളിപ്പാട്ടങ്ങളുമായാണ് കുട്ടികളെ സ്വീകരിച്ചത്. നഗരസഭയിലെ 19-ാം നമ്പർ അംഗൻവാടിയിൽ കൗൺസിലർ ദേവൂസ് ആൻറണി ഉദ്ഘാടനം ചെയ്തു. നഗരസഭയുടെ കമ്യൂണിറ്റി കൗൺസിലറായി പ്രവർത്തിക്കുന്ന ഉദ്യോഗസ്ഥ കെ.കെ. മേരി അവതരിപ്പിച്ച അമ്മമാർക്ക് വേണ്ടിയുള്ള ക്ലാസ് ശ്രദ്ധേയമായി മാറി. അംഗൻവാടി അധ്യാപിക പ്രഭലത, മിനി ഷാജി, ഷീന, എസ്. സാവിത്രിയമ്മ എന്നിവർ സംസാരിച്ചു.