മഴയില്‍ വീട് തകര്‍ന്നു

മൂവാറ്റുപുഴ: കനത്ത മഴയില്‍ വീട് തകര്‍ന്നു. ആയവന ഗ്രാമപഞ്ചായത്ത് രണ്ടാം വാര്‍ഡില്‍ കടുംപിടി അപ്പക്കല്‍ കുഞ്ഞുമുഹമ്മദി​െൻറ കോണ്‍ക്രീറ്റ് വീടി​െൻറ ഒരുഭാഗമാണ് ചൊവ്വാഴ്ച വൈകീട്ട് അഞ്ചോടെ പെയ്ത ശക്തമായ മഴയില്‍ തകര്‍ന്നത്. സംരക്ഷണഭിത്തി തകര്‍ന്നതാണ് വീട് ഇടിയാന്‍ കാരണം. കാളിയാര്‍ പുഴയുടെ തീരെത്ത വീടി​െൻറ ഭാഗമാണ് ഇടിഞ്ഞത്. ഒരുമുറി പൂര്‍ണമായും തകർന്നു. വീടിന് വിള്ളലുമുണ്ടായി. അഞ്ചല്‍പെട്ടി തൃപ്പൂരത്ത് ക്ഷേത്രത്തിനുസമീപം മരം റോഡിൽ വീണ് കാളിയാര്‍ റൂട്ടില്‍ ഗതാഗതം തടസ്സപ്പെട്ടു. ചൊവ്വാഴ്ച വൈകീട്ട് മൂന്നിനാണ് സംഭവം. കല്ലൂര്‍ക്കാട്ടുനിന്ന് ഫയര്‍ഫോഴ്‌സ് എത്തി മരം മുറിച്ച് മാറ്റിയാണ് ഗതാഗതം പുനഃസ്ഥാപിച്ചത്.