Begin typing your search above and press return to search.
exit_to_app
exit_to_app
Posted On
date_range 18 May 2017 9:55 PM IST Updated On
date_range 18 May 2017 9:55 PM ISTകോതമംഗലത്ത് മാലിന്യനീക്കം താളംതെറ്റി: പകർച്ചവ്യാധി ഭീതി പടരുന്നു
text_fieldsbookmark_border
കോതമംഗലം: നഗരപരിധിയിൽ മാലിന്യനീക്കം താളംതെറ്റി. വിവിധയിടങ്ങളിൽ മാലിന്യം കുന്നുകൂടിയതോടെ നഗരം പകർച്ചവ്യാധി ഭീതിയിലാണ്. മാലിന്യനീക്കത്തിന് നഗരസഭ ഏർപ്പെടുത്തിയ നിയന്ത്രണങ്ങളാണ് അധികൃതർക്ക് തിരിച്ചടിയായത്. നഗരപരിധിയിൽ മാലിന്യം നിക്ഷേപിക്കുന്ന സ്ഥലങ്ങളുടെ എണ്ണം വെട്ടിക്കുറക്കുകയും മറ്റിടങ്ങളിൽ നിക്ഷേപിക്കുന്നവർെക്കതിരെ നടപടി സ്വീകരിക്കുമെന്ന് അധികൃതർ അറിയിക്കുകയും ചെയ്തിരുന്നു. വിവിധ ഭാഗങ്ങളിൽ നിക്ഷേപിക്കുന്ന മാലിന്യം അതത് ദിവസംതന്നെ നീക്കംചെയ്യുന്നുണ്ട്. എന്നാൽ, നിരോധിച്ച ഇടങ്ങളിൽ കുന്നുകൂടുന്നവ നീക്കംചെയ്യാൻ തയാറാകാത്തതാണ് പ്രശ്നം. ഏറ്റവും കൂടുതൽ മാലിന്യം കുന്നുകൂടുന്നത് തങ്കളം ലോറി സ്റ്റാൻഡ് പരിസരത്താണ്. ചീഞ്ഞളിയുന്ന മാലിന്യം പകർച്ചവ്യാധിക്ക് കാരണമായേക്കാമെന്ന ആശങ്ക നഗരസഭ അധികൃതരെ നാട്ടുകാർ അറിയിച്ചിട്ടും നടപടിയില്ല. മാലിന്യം നിക്ഷേപിക്കുന്നവരെ കണ്ടെത്താൻ സി.സി ടി.വി സ്ഥാപിക്കുമെന്ന് അധികൃതർ പ്രഖ്യാപിച്ചിരുന്നെങ്കിലും നടപ്പാക്കിയിട്ടില്ല. മഴക്കാലപൂർവ ശുചീകരണം ഊർജിതമാക്കേണ്ട സമയത്തും ആരോഗ്യ വിഭാഗം ഉറക്കംനടിക്കുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story