യുവാവ് കുത്തേറ്റ് മരിച്ച സംഭവം; സുഹൃത്ത് റിമാൻഡിൽ

ആലപ്പുഴ: നഗരത്തിൽ യുവാവ് കുത്തേറ്റ് മരിച്ച സംഭവത്തിൽ പ്രതി റിമാൻഡിൽ. ചാത്തനാട് വാർഡ് പോത്തനാട് കണ്ടം ഹരിദാസി​െൻറ മകൻ അജി (45) മരിച്ച സംഭവത്തിൽ വള്ളിക്കുന്നം പനച്ചുവെളി കോളനി ഫൈസലാണ് (39) അറസ്റ്റിലായത്. അജിയും ഫൈസലും സുഹൃത്തുക്കളായിരുന്നു. മദ്യപിച്ച് വാക്കുതർക്കം ഉണ്ടായതിനെ തുടർന്ന് ഫൈസൽ അജിയെ കത്തികൊണ്ട് കുത്തുകയായിരുന്നു. അജിയെ ഉടൻ ജനറൽ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ബുധനാഴ്ച വൈകീട്ട് മുല്ലക്കൽ ജങ്ഷനിലായിരുന്നു സംഭവം.