Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightഎടത്തലയിൽ വ്യാപാര...

എടത്തലയിൽ വ്യാപാര സ്ഥാപനങ്ങളിൽ മോഷണ പരമ്പര

text_fields
bookmark_border
എടത്തല: പ്രദേശത്തെ വ്യാപാര സ്ഥാപനങ്ങളിൽ മോഷണ പരമ്പര. എടത്തല യത്തീംഖാന, പേങ്ങാട്ടുശ്ശേരി പള്ളിമുകൾ ജങ്ഷനുകളിലെ മൂന്ന് കടകൾ കുത്തിത്തുറന്നാണ് ബുധനാഴ്ച രാത്രിയിൽ മോഷണം നടത്തിയത്. എടത്തല പൊലീസ് കേസെടുത്ത് അന്വേഷണം ആരംഭിച്ചു. യത്തീംഖാന ജങ്ഷനിൽ പലചരക്ക്, പച്ചക്കറി വ്യാപാരം നടത്തുന്ന മുഹമ്മദ് ബഷീറി​െൻറ കട കുത്തിത്തുറന്ന് 3000 രൂപയും പലചരക്ക്, ബേക്കറി നടത്തുന്ന ജലീലി​െൻറ കടയിൽനിന്നും 2000 രൂപയും പേങ്ങാട്ടുശ്ശേരി പള്ളിമുകളിൽ പലചരക്ക് കട നടത്തുന്ന റഫീഖി​െൻറ കടയിൽനിന്നും 65,000 രൂപയോളവും മോഷണം പോയി. യത്തീംഖാന ജങ്ഷനിലെ തെരുവുവിളക്ക് കത്താതായിട്ട് ദിവസങ്ങളായി. മഴക്കാലമായതോടെ പ്രദേശത്ത് മോഷണം വർധിച്ചിരിക്കയാണ്. പുക്കാട്ടുപടി ജങ്ഷനിലെ വ്യാപാര സ്ഥാപനങ്ങളിൽ സമാനമായ മോഷണ പരമ്പരയുെണ്ടങ്കിലും ഇതുവരെ തെളിവൊന്നും ലഭിച്ചിട്ടില്ല. സി.സി.ടി.വി ദൃശ്യങ്ങളിൽനിന്നും മോഷ്ടാവി​െൻറ രൂപം ലഭിച്ചിട്ടും പ്രതിയെ പിടികൂടാനായിട്ടില്ല. പ്രദേശത്ത് രാത്രി പൊലീസ് പട്രോളിങ് ശക്തമാക്കണമെന്ന് നാട്ടുകാർ ആവശ്യപ്പെടുന്നു.
Show Full Article
TAGS:LOCAL NEWS 
Next Story